Populære bibelvers fra रोमी 6

Del

पापए ओजेला नर्ग लिज़्‍या, परमेस्वरए ओयासिज़्‍याव बरदान ते गेप्रभु येसु ख्रीसनी अजम्‍बरी जुनी लिज़्‍या।

जे कानुन धूँल माताद परमेस्‍वरए ओअसिक धूँल जेतावए, जे जेक्‍याँत पापए ओहक माताव परिके।

है जैद किताव ख्रीसए सिउ ओक्‍याँलाई खादरल याझाःव, हिताव ज़ गे मनी ख्रीसए उमिनत गेसछैंसिक ङ़ादाङाव गेक्‍याँ खादरल बाके। खाली हो वाज़ माःक, किताव ओबाबु परमेस्‍वरए ओसक्तीनी सिउनी ओसोव, हिताव ज़ गे मनी सोद साःरो येमल गेबाज़्‍या।

पाप दान्‍यादा जेखँ जेकुइलाई फरी बाव ताएच्‍यो। बुरू, ‘गेलाई सिउनी बाँचैज़्‍याव नँ ज़’ लिद जेक्‍याँ भरी परमेस्‍वरलाई चरैःद, उयुँलाव मिताव य़ेन दान्‍यादा जेक्‍याँर थाँच्‍यो।

आव ब सैंच्‍यो, नो ङ़ादाङाव पाप दोज़्याव गेक्‍याँ ख्रीसस क्रुसत सिप ज़ सिके, हाःकिन पाप धूँल गेमाले।

हिताव ज़ जे मनी ‘गे पाप दान्‍यात सिद, येसु ख्रीसनी जींदो ताद, आव गेजिउ परमेस्‍वरए उजूँनी बाँचिज़्‍या’ लिन्‍या चेतैव ताके।

जे ख्वाराए ते, ‘परमेस्‍वरए ओदया झन कुधु घताक लिद गे मनी झन पाप गेदोया की’ है जेलिज़्‍याखेहो। हिताव ते माःक। गे पापस सर्‍यो फ्या·द पापए जूँनी सिधुवर काराव फरी पापल जन्‍न्‍या?

काता जे, जोए ओपाँ भैंःद ओसेवा जेदोज़्‍या, होए ओनोकोरर जेताज़्‍याव जेमासैंए रो? मादान्‍या य़ेन दाद होत ज़ जेलिकिन सिन्‍या सजाल परिन्‍या जेले। फरी परमेस्‍वरए ओपाँ जेभैंःकिन ते ओङ़ाक उयुँलाव मितावर थ॰रिन्‍या जेले।

जे ङ़ादा मादान्‍या य़ेनर दाद पापए ओबाँदार जेल्‍यो। अब ते परमेस्वरए ओपाँ किताव जेथैव, हिताव ज़ नो पाँत लिद जेयुँ स्‍यानी ज़ जेदोज़्‍या। आवए उजूँनी परमेस्‍वरलाई धन्‍याबाद लिज़्‍या। जे पापए ओसेवानी पुलुस्‍द चाव य़ेन दान्‍यादा परमेस्वरए ओसेवा दान्‍यार ताद जेले।