Populære bibelvers fra မၭ 5

Del

အီၪလၧခိၪလီၩ့အဒၩ့ခိၪနီၪ ကဒုၩဝ့ၫၥ့ၪအ့ၬ.- ၦစီၩ့ထၪ့ မ့ၪဒိၩ့တၭ, အီၪက့ၪလၩ့ဝ့ၫလၧ ဒၩ့လဖျိၪ့အဖၫ့လၬနီၪ အီၪနးဂၩအ့ၬ. မွဲအအီၪက့ၪထၪ့ဝ့ၫ လၧမ့ၪဒိၩ့အ လးအဖၫ့ခိၪတၭ, ဖၩ့ထၪ့ဘၪၦအီၪ လၧဂံၪ့ဖၧၩ့ထီး အလူၬလီၫ. ဘဲၫနီၪအၥိၭလၧၦၡၩၥံၪဒၪဘၪ နၥံၪအဆၧမၩဂ့ၩ လဖၪအကၠီၩ့ မိဒုၭလၩဖၩ့နၥံၪအဖါအီၪဝ့ၫ လၧမူၭခိၪ အဖၧၩ့တၭ, နၥံၪအဆၧဖၩ့နီၪ,မွဲအဖၩ့ထၪ့ဒၪဝ့ၫ လၧအဝ့ၫၥံၪအမ့ၬယၫဆံၭ.

နၥံၪဝ့ၫဒၪယီၩ နၥံၪမွဲဂၪ့ခိၪအဖၩ့လီၫ. ဒိၩ့လဖျိၪ့

ၦၥၭဆံၫ့ဎံၪလဖၪနီၪ အီၪမုၬဝ့ၫဒၪး အဂဲးဘဲၫယီၩ အဝ့ၫၥံၪ မိဒၪဘၪယွၩလီၫ.

ၦၥၭဝံအၥၭဒဲၥူၫအီၩအၥၭလၧ ဆၧတီၩဆၧလီၩ့လ ဖၪနီၪ အီၪမုၬဝ့ၫဒၪး အဂဲးဘဲၫယီၩအဝ့ၫၥံၪ မိဘျဲၩအၪ့ ဘျဲၩအီၩဝ့ၫလီၫ.

ထံၭတၭ,ၥၭဂဲၫ့နဒုၪနဒၩဆံၭ.- အ့ၪမွဲယဝ့ၫဒၪယီၩ ယစံၭနၥံၪ,အဲၪနၥံၪအဒုၪအဒၩဆံၭ. ၦလၧအဆိၪ အၧၩ့နၥံၪနီၪဆိၪဂ့ၩ အဝ့ၫၥံၪဆံၭ. ၦလၧအၥၭဂဲၫ့ နၥံၪနီၪမၩဂ့ၩအဝ့ၫၥံၪဆံၭ. ၦလၧအမၩကြၩ့ထမး နၥံၪ,ဒဲမၩအၧၩ့မၩနၭနၥံၪနီၪ, ဘၩဆိၪဖၪန့အဂး

ၦၥၭၡၪ့လဖၪနီၪအီၪမုၬဝ့ၫဒၪး အဂဲးဘဲၫယီၩမူၭခိၪ အဘၩ့အမုး မွဲအဝ့ၫၥံၪအဆၧလီၫ.

ၦမၩဘၪလိၬထဲၩ့ဆၧလဖၪနီၪ အီၪမုၬဝ့ၫဒၪး အ ဂဲးဘဲၫယီၩအဝ့ၫၥံၪ မိဘၪဆၧကိၭဝ့ၫလၧယွၩအဖိၪခွၫ ၥံၪလီၫ.

ၦၥုၪ့ခါၥၭလၩ့လဖၪနီၪ အီၪမုၬဝ့ၫဒၪး အဂဲးဘဲၫယီၩ အဝ့ၫၥံၪမိဘၪ ဆၧမၩမုၬမၩၡုၪဝ့ၫလီၫ.

ၦဘၪဆၧမၩအၧၩ့မၩနၭဝ့ၫ လၧဆၧတီၩဆၧလီၩ့ အ ကၠီၩ့လဖၪနီၪ အီၪမုၬဝ့ၫဒၪး အဂဲးဘဲၫယီၩ မူၭခိၪအ ဘၩ့အမုးမွဲအဝ့ၫၥံၪအဆၧလီၫ.

ၦယၫ့ၥုၪ့ယၫ့ၥၭဆၧလဖၪနီၪအီၪမုၬဝ့ၫဒၪး အဂဲး ဘဲၫယီၩအဝ့ၫၥံၪမိဘၪ ဆၧယၫ့ၥုၪ့ယၫ့ၥၭဝ့ၫလီၫ.

ထီးၦဒုၪဒွ့ၪနၥံၪဒဲ မၩအၧၩ့မၩနၭနၥံၪတၭ, စံၭအၧၩ့ စံၭၥၫ့နၥံၪလၧဆၧကိၭမံၩ့ဒ့ၭ လတီၩဘၪလၧယကၠီၩ့ တၭ,နၥံၪမိအီၪမုၬဝ့ၫဒၪလီၫ.- ၥုၪ့ထိၬၥၭထိၬ ဒဲၥုၪ့ ဎွံၫၥၭယီၫဖၭဒိၪဆံၭ. အဂဲးဘဲၫယီၩ နၥံၪအခိးအတၩ အီၪဝ့ၫလၧမူၭခိၪဒိၪမၬလီၫ. အဂဲးဘဲၫယီၩအဝ့ၫၥံၪမၩ အၧၩ့မၩနၭမီၪလဖၪလၧနၥံၪလချႃၭအီၪဒံၭဘၪ ဘဲၫနီၪ အၥိၭဆ့လီၫ.

ၦၥၭဆၧၩ့လဖၪနီၪ အီၪမုၬဝ့ၫဒၪး အဂဲးဘဲၫယီၩ အဝ့ၫၥံၪမိန့ၥၫထံၫၥံၪခးၥံၪလီၫ.

နၥံၪဝ့ၫဒၪယီၩ နၥံၪမွဲဂၪ့ခိၪအထံၫလၪလီၫ. အ့ၪမွဲ ထံၫလၪအဂၫ့အ့ၪဘျိၪခွံၬတၭ, မွဲအမိဂၫ့ထဲၩ့ဝ့ၫလၧ ဆၧနီၪလမံၩ့လဲၪ. န့ကၩလၧၩ့ဆၧနးမံၩ့အ့ၬ. န့ကၩန့ၫ ၦခွံၬၡိၭခွံၬလၧခီၫ့တၭ, ဘၪဆၧယဲးထဲးဝ့ၫ လၧၦၡၩလီၫ.

မၩအၥၭဘဲၫနီၪတၭ,မွဲနၥံၪလၧၫ့ထၪ့ဎွ့ၩထၪ့ဘဲၫ နၥံၪအဖါအီၪလၧမူၭခိၪလၧၫ့ထၪ့ဎွ့ၩထၪ့ဝ့ၫ အၥိၭ နီၪဆံၭ.

ၥူၫလဘီၩ့နီၪၥၧၫ့မွဲဂ့ၩ, ဘွၩမွဲဂ့ၩ,နမၩၥ့ၪအ့ၬ.- မွဲန ၥံၪချဲၩ့ဆၧမွဲမွဲ,မွဲအ့ၬမွဲအ့ၬနီၪဆံၭ. ဆၧအၪနဲၪ့ဆၧ လဖၪနီၪဘၪဆဲၫ့လၧဆၧအၧၩ့လီၫ.

နၥံၪနါဂၧၫ့ယူၭလၧၦစံၭဝ့ၫဒၪ,ပမ့ၬၥၪလတီၪ့အ ဂးလတီၪ့,ပၥွၫလဘံၪ့အဂးလဘံၪ့လီၫ.- အ့ၪမွဲယဝ့ၫ ဒၪယီၩယစံၭနၥံၪ, ထီးဂဲးလိၬတ့ၭလိၬ ဆၧမၩအၧၩ့ လဂ့ၩးၦလၧအဒဲၩနနိၭဖၩထံၭအထွ့ၪလဂၩနီၪ

ဖၧၩ့ယူၭလီၫ.- နမ့ၬၥၪအထွ့ၪလခီၫအ့ၪမၩလၩ့ထံၩ ဖါနၧၩတၭ, အီၩ့ခွ့ၭထၪ့ခွံၬဝ့ၫတၭ,ခွံၬၡိၭခွံၬလၧနအီၪ ဆံၭ.အဂဲးဘဲၫယီၩနဂၩ့လ မံၩ့အ့ၪဂၭဂီၩ့တၭ,မွဲ အဂ့ၩနဲၪ့ဒံၭ လၧနဘၪဆၧခွံၬလၩ့နၧၩလၧလရၬဖၧၩ့ထၧၫ့ဂၩယၫ နီၪဒံၭလီၫ.- နစူၪထွ့ၪလခီၫအ့ၪမၩလၩ့ ထံၩဖါနၧၩတၭ, ဒၪ့ထ့ၬခွံၬဝ့ၫတၭ, ခွံၬၡိၭခွံၭ လၧနအီၪဆံၭ. အဂဲးဘဲၫယီၩ နဂၩ့လမံၩ့အ့ၪဂၭဂီၩ့တၭ, မွဲ အဂ့ၩနဲၪ့ဒံၭ လၧနလၩ့ဘၪ လၧလရၬဖၧၩ့ထၧၫ့ဂၩယၫ နီၪဒံၭလီၫ.