Populære bibelvers fra ဒၫ့ 3

Del

စၡၫဒၭ, စမံၡ့ၭ,ဒဲစအဘ့ၫဒန့ဂိၫနီၪ စံၭဆၧၫ့စ ဎွၩန့ၭဘူၫခၭန့ဇၫတၭ စံၭဝ့ၫဒၪ, ပစံၭဆၧၫ့ဆၧလၧဆၧ လမံၩ့ယီၩအဂဲးနီၪအလးအီၪအ့ၬ.- ယိခွါ,ပယွၩလၧ ပမၩအဆၧလဂၩနီၪ, မၩဖီၩ့မၩဖျ့ၭပၧၩလၧမ့ၪခဲၩအ ဖံၫ့ချၪဖၧၩ့ၥ့ၪတၭ, မွဲအမိမၩဖီၩ့မၩဖျ့ၭပၧၩ လၧနစူၪ ဖၧၩ့ဆ့,စဎွၩဧ့,- အ့ၪလမွဲဘၪဘဲၫနီၪတၭ, စဎွၩဧ့,လၧ ပလမၩဘၪနယွၩလဖၪအဆၧ, ပလဘၩထၪ့ဘၪနဆၧ ဂၩ့ထီၫ့လၧနအီၪက့ၪထၪ့နီၪ, ၥ့ၪယၫနဝ့ၫဒၪဆံၭ.

ဆၧၫ့ဆၧလၧစဎွၩတၭ, စံၭဝ့ၫ,မွဲယူၭ,စဎွၩဧ့,- အဝ့ၫ နီၪစံၭဆၧၫ့ဝ့ၫဒၪတၭ, စံၭဝ့ၫ,ယိခွါ, ယဒၪဘၪၦအီၪ ပျီၩဖျ့ၭဝ့ၫလံဂၩ, လ့ၩဆၧလၧမ့ၪအကျၩတၭ, ဘၪဆၧ အၧၩ့နးမံၩ့အ့ၬ. တၭအဝ့ၫၥံၪလံဂၩလဂၩနီၪ,အခံးအ ဂၩ့မၩအၥၭဘဲၫယွၩအဖိၪခွၫလဂၩအၥိၭနီၪလီၫ.

ထီးနီၪလဖၧၫ့စန့ၭဘူၫခၭန့ဇၫ, ချဲၩ့ဆၧတၭ, စံၭဝ့ၫ ဒၪ,စၡၫဒၭ,စမံၡ့ၭ, ဒဲစအဘ့ၫဒန့ဂိၫလဖၪအယွၩလၧ အအၪ့မၧၫ့လၩ့အၥီၫ့လဂၩတၭ, မၩဖီၩ့မၩဖျ့ၭအခ့ၫ အၡၩလၧအဒိၭနဲၩ့အၥၭလၧအဝ့ၫတၭ, လၨခၫ့ဖၬ စဎွၩအဆၧမၪလူၬတၭ, ဖ့ၪလၫ့ခွံၬအနၫ့ဆါဘဲၫၥိၭ, အ့ၪလမွဲဘၪအယွၩဒၪဝ့ၫလဂၩ, အထီးမၩယွၩဂူၫဂၩ အဆၧ,အထီးဘၩဝ့ၫလဂ့ၩလဂၩနီၪ, မွဲအဘၪဆၧ ဆိၪဂ့ၩဝ့ၫဆံၭ.

မၩအၥၭဘဲၫနီၪတၭ, ယလူလၩ့လၧကယဲၦခမျၧး, ၦဆၨၩလဖၪ, ဒဲၦချဲၩ့ဆၧအလၨကိၭဆၨၩဒ့ၭလၧအ ချဲၩ့မၪဘၪစၡၫဒၭ, စမံၡ့ၭ, ဒဲစအဘ့ၫဒန့ဂိၫလဖၪအ ယွၩလဂၩလါလါနီၪ, ဆၧမိဒၪ့ထ့ၬခွံၬဝ့ၫ လကုၭလ ကုၭတၭ, အဂံၪ့မိကဲၪထၪ့ဆၧအ့ၪအလးလီၫ. အဂဲး ဘဲၫယီၩယွၩအဂူၫဂၩ လၧအမၩဖီၩ့မၩဖျ့ၭဆၧဘဲၫယီၩ အၥိၭအီၪနးဂၩအ့ၬ.