Populære bibelvers fra လံာ်တၢ်ဂံၢ် 14

Del

ပူထီၣ်ထီဒါယွၤတဂ့ၤ. ဒီးပျံၤပှၤအိၣ်ဖဲန့ၣ်တဖၣ်တဂ့ၤ. ပကမၤနၢၤအဝဲသ့ၣ်ညီကဒၣ်လီၤ. ယွၤအိၣ်ဒီးပှၤဒီးမၤနၢၤလံကစၢ်တဖၣ်လၢအအိၣ်ပှိၤတ့ၢ်အဝဲ သ့ၣ်န့ၣ်လီၤ.

‘ယၤ, ယွၤအံၤသးဒိၣ်ထီၣ်ကီ, ဒီးယဒုးနဲၣ်တၢ်အဲၣ်တၢ်ကွံ အဒိၣ်အမုၢ်ဒီးတၢ်သူၣ်တီသးလိၤဒီးပျၢ်တၢ်ဒဲးဘးဒီးတၢ်ပူ ထီၣ်န့ၣ်လီၤ. အန့ၣ်ဒၣ်လဲာ်, ယတလီၤတူာ်လီၤကာ်ဘၣ်ဒ်သိးယကစံၣ်ညီၣ်ဖိတဖၣ်ဒီး လံၤတဖၣ်တုၤပှၤသၢစိၤတစိၤဒီးလွံၢ်စိၤတစိၤလၢအမိၢ်အပၢ် တဖၣ်အတၢ်ဒဲးဘးတဖၣ်အဃိန့ၣ်ဘၣ်.

ယွၤမ့ၢ်ဘၣ်အသးလၢပှၤဒီးအဝဲကဆှၢပှၤဆူန့ၣ်, ဒီးဟ့ၣ်ပှၤလၢကီၢ်အထူးအတီၤဒီးကီၢ်လၢဟီၣ်ခိၣ်ညၣ်ထ့ၣ်ဂ့ၤဝဲ န့ၣ်လီၤ.

ဘၣ်ဆၣ်, မ့ၢ်လၢယခ့ယပှၤစီၤကၤလ့းအိၣ်ဒီးတၢ်ပာ်သူၣ်ပာ်သးလီၤ ဆီတမံၤဒီးအသးတီတ့ၢ်ဒီးယၤအဃိ, ယကလဲၤကိးနုာ်အီၤဆူကီၢ်တဘ့ၣ်လၢအလဲၤဃုထံၣ်သ့ၣ်ညါတ့ၢ်ဝဲ အပူၤဒီးအဝဲအစၢၤအသွဲၣ်တဖၣ်ကမၤန့ၢ်ကီၢ်တဘ့ၣ်န့ၣ်

ခဲအံၤဟ့ၣ်အဝဲသ့ၣ်လၢတၢ်စံးဆၢအံၤတက့ၢ်. “ယဆိၣ်လီၤယသးလၢ, ဒ်ယမူယဲအသိး, ယကမၤတၢ်လၢသုဂီၢ်ဒ်သုဃ့တ့ၢ်တၢ်အသိးန့ၣ်လီၤ. ယၤ, ယွၤစံးလံတၢ်လံ.

ယွၤစံးဘၣ်စီၤမိၤၡ့, “မ့ၢ်ပှၤဂီၢ်မုၢ်အံၤကညိကွံာ်ဒံးယၤ ဆံးယံာ်လဲၣ်. ယမၤတ့ၢ်တၢ်လီၤလးအါမံၤလၢအဝဲသ့ၣ် အကျါဒၣ်လဲာ်, ကဂ့ၢ်လိာ်တၢ်လၢတနာ်ယၤအဂီၢ်န့ၣ်ဆံးယံာ်ဒံးလဲၣ်.

ပှၤဂီၢ်မုၢ်ကိးထီၣ်လၢတၢ်သးအုးဒီနၤညါလီၤ. အဝဲသ့ၣ်ကဒူးကဒ့ၣ်တၢ်ထီဒါစီၤမိၤၡ့ဒီးစီၤအၤဟရိၣ်ဒီး စံးဝဲ, “ပသံလၢကီၢ်အဲၤကူပတူးအပူၤမ့တမ့ၢ်ပသံ ဖဲအံၤလၢပှၢ်မုၢ်ကနၢအပူၤအံၤဂ့ၤဒိၣ်ဒၣ်တၢ်တက့ၢ်လီၤ.

ဒီးစီၤနိၣ်အဖိခွါစီၤယိၤၡူဒီးစီၤယဖူန့ၤအဖိခွါစီၤ ကၤလ့း, လၢပှၤလဲၤကွၢ်ဟုၣ်ကွၢ်စုးတၢ်တဖၣ်အကျါခံဂၤန့ၣ်ဖှီယာ် အတၢ်ကူတၢ်သိးတဖၣ်လၢတၢ်သးအုးအပူၤ, ဒီးစံးဘၣ်ပှၤဂီၢ်မုၢ်, “ကီၢ်လၢပလဲၤဃုထံၣ်သ့ၣ်ညါအီၤတဘ့ၣ် န့ၣ်မ့ၢ်ကီၢ်အဂ့ၤဒိၣ်ဒိၣ်ကလဲာ်လီၤ.

ဘၣ်ဆၣ်ဒီးယအၢၣ်လီၤအီလီၤလၢ, ဒ်ယမူယဲဒီးဒ်ယတၢ်အိၣ်ဝဲမၤ ပှဲၤဟီၣ်ခိၣ်အသိးန့ၣ်, ယစံးယဲ, ပှၤဂီၢ်မုၢ်အံၤတလဲၤနုာ်ဘၣ်ဆူကီၢ်တဘ့ၣ်န့ၣ်အပူၤနီ တဂၤဘၣ်. အဝဲသ့ၣ်ထံၣ်ဘၣ်တ့ၢ်ယတၢ်အိၣ်ယဲအတၢ်ကပြုၢ်ကပြီၤဒီး တၢ်လီၤလးတဖၣ်လၢယမၤတ့ၢ်ယဲလၢကီၢ်အဲၤကူပတူးအပူၤဒီးလၢ ပှၢ်မုၢ်ကနၢအပူၤ, ဘၣ်ဆၣ်ဒီးအဝဲသ့ၣ်မၤကွၢ်တ့ၢ်ယတၢ်သးစူၤ တဘျီဝံၤတဘျီဒီးဂ့ၢ်လိာ်ဝဲလၢကစူၢ်ယၤအဂီၢ်န့ၣ်လီၤ. အဝဲသ့ၣ်တနုာ်လီၤဘၣ်ဆူကီၢ်လၢယအၢၣ်လီၤအီလီၤတ့ၢ်ဒီး အမိၢ်ပၢ်ဖံဖုလၢပျၢၤတဖၣ်န့ၣ်လ့ၤတက့ၤဘၣ်. ပှၤလၢအညိကွံာ်ယၤတဖၣ်န့ၣ်တလဲၤနုာ်ဘၣ်ဆူကီၢ်န့ၣ်နီတဂၤဘၣ်.