1
၁ သ့းစၤလနံ 4:17
Sgaw Karen Common Bible
KSWC
တုၤနုၤတစု, ပဝဲလၢအအိၣ်မူလီၤတဲာ်တ့ၢ်ဖဲဆၢကတီၢ်အဝဲန့ၣ် တဖၣ်ပကဘၣ်တၢ်စိာ်ထီၣ်ပှၤတပူၤဃီဒီးအဝဲသ့ၣ်လၢတၢ်အၢၣ် အပူၤဒ်သိးပကထံၣ်လိာ်ပသးဒီးကစၢ်လၢမူဖးဖီန့ၣ်လီၤ. ဒီး လၢတၢ်န့ၣ်အဃိ, ပကအိၣ်ပဝဲတပူၤဃီဒီးကစၢ်ထီဘိန့ၣ်လီၤ.
2
၁ သ့းစၤလနံ 4:16
တၢ်ဟ့ၣ်လီၤတၢ်ကလုၢ်ကသီၣ်ထီၣ်ဖးဒိၣ်, ကလူးအဒိၣ်ကတၢၢ်အကလုၢ်ဒီးကစၢ်ယွၤအကွဲၤကသီၣ် ထီၣ်, ဒီးကစၢ်အနီၢ်ကစၢ်ဒၣ်ဝဲကဟဲလီၤလၢမူခိၣ်လီၤ. ပှၤလၢအသံတ့ၢ်ဝဲလၢတၢ်စူၢ်တၢ်နာ်ယ့ၣ်ၡူးခရံာ်အပူၤ တဖၣ်ကဂဲၤဆၢထၢၣ်သမူထီၣ်က့ၤအဆိကတၢၢ်န့ၣ်လီၤ.
3
၁ သ့းစၤလနံ 4:3-4
ကစၢ်ယွၤအသးအိၣ်လၢသုကအိၣ်မူစီစီဆှံဆှံဒီးဟးဆှဲးတၢ်မၤကမၣ်မုၣ်ကမၣ်ခွါန့ၣ်လီၤ. သုဝဲပိာ်ခွါတဂၤဘၣ်တဂၤသုကြၢးသ့ၣ်ညါ, အိၣ်မူဒီးသုမါလၢတၢ်စီတၢ်ဆှံဒီးတၢ်လၤတၢ်ကပီၤ အပူၤ
4
၁ သ့းစၤလနံ 4:14
ပနာ်လၢယ့ၣ်ၡူးသံဒီးဂဲၤဆၢထၢၣ်သမူထီၣ်က့ၤလီၤ. ဒ်န့ၣ်အသိး, ပှၤလၢအသံတ့ၢ်ဝဲလၢတၢ်စူၢ်တၢ်နာ်ယ့ၣ်ၡူးအပူၤတဖၣ်န့ၣ်, ကစၢ်ယွၤကဒုးဂဲၤဆၢထၢၣ်က့ၤအဝဲသ့ၣ်ဃုာ်ဒီးအီၤန့ၣ်လီၤ.
5
၁ သ့းစၤလနံ 4:11
ပာ်လီၤသုသးလၢသုကအိၣ်မူကစုဒု, တမၤဘၣ်ထွဲသုသးဒီးပှၤဂၤအတၢ်ဖံးတၢ်မၤလၢအတဘၣ် ဃးသုဘၣ်, ဒီးဖံးမၤလုၢ်အီၣ်လုၢ်အီလီၤက့ၤသုသးဒၣ်သုဝဲ, ဒ်ပစံးဘၣ်တဲဘၣ်တ့ၢ်သုလၢအပူၤကွံာ်အသိးန့ၣ်တက့ၢ်.
6
၁ သ့းစၤလနံ 4:7
အဂ့ၢ်ဒ်အံၤ, ကစၢ်ယွၤတကိးဃီၤပှၤဆူတၢ်ကလုာ်ကလိၤ အပူၤဘၣ်. မ့မ့ၢ်အဝဲဒၣ်ကိးဃီၤပှၤဆူတၢ်အိၣ်မူအစီအဆှံ အပူၤလီၤ.