Populære bibelvers fra Jenesii̱ 9

Del

Kó ti̱ bi̱ ti̱ katsó ngase Néná: Jè indajo̱jnúꞌun ngo ni jún ko̱jo ngayeje xi síndo nga̱són tꞌanangii̱, ko̱jo xota̱ xi kji̱e̱ tsenjiín nga. Kó chi̱bo̱a̱a̱ kui kjo̱a̱ꞌbíndaa̱ kuí boá xi ndi̱ꞌya̱na.

kó kjiꞌá boá nga kjo̱a̱ꞌátsjienna ni xi indajo̱jnúꞌun. Kó nga nginijánjín kꞌuié ngo stsé xí ta̱nisién ꞌniú xi sa̱ꞌínkjié ngayeje xi síndo xi tjín nga̱sondiee̱. Kó ndi̱ꞌya̱a̱ kuí boá xi chi̱bo̱a̱a̱ kui kjo̱a̱ꞌbíndaa̱.

Xikó kjiꞌi an, bo̱a̱ tsꞌén katsꞌenda an xota̱ nga̱sondiee̱, kuíni nga tsi ngo cho̱ sa̱ꞌínkꞌiénjnú jún, chjiéngá ko̱yà kuí cho̱o̱ nga, kó tsi tjín jún xi si̱ꞌankꞌiénjnú ngo xota̱, ti̱ chjiéngá ko̱yà kuí xi bo̱a̱ katsꞌeén nga.

Néná katsꞌénchikonñé Noee̱ ko̱jo ndií, kó bi̱ katsoó: Mejénna nga kꞌuiéjnú kjín ndí, kó xota̱ tji̱e̱jnú xi ngasꞌikitsieni tꞌanangii̱.

An tjítsꞌenkꞌasꞌiénjnúꞌun ngayeje cho̱ ko̱jo ngayeje xka̱ xi ma chinie tsi̱ꞌe̱ nga xi̱ni̱e̱jnú.

Ngi̱ya ndsa̱jnú tjítsꞌenkꞌasꞌien an tsi̱ꞌe̱ nga ko̱ti̱xomájnúu̱ ngayeje cho̱ xi tjín tꞌanangii̱, ko̱jo ngayeje ni̱sie xi tjín nkꞌa jàn, ko̱jo ngayeje cho̱ xi ꞌbifé yojoo̱, ko̱jo ngayeje cho̱ xi tjín ngi̱jin ndáchíkoón. Ngindyikónjnú kjo̱tsièndíkón má ngayeje kui cho̱o̱.

Kó mejénna nga jún kjín ndí ngatꞌiéjnú, kó ngasꞌikitsieni xota̱ tji̱e̱jnú ngayeje tꞌanangii̱.