Populære bibelvers fra Ohuchaaka 9

Del

Nasaae haandi yaboola ati, “Sino nisyo esilolero sy'endagaano yi hola naang'we, neende buli siloonge silamu syoosi. Mbao ndaao oluyiingi lwaange mu maleesi, nilwo oluchia ohuba esilolero sy'endagaano akatikaati waange neende esyaalo.

Oluyiingi nilunabonehanaanga mu maleesi, njia ohulutingaalangaho mani njichuliseenge endagaano yitaakama akatikaati waange neende buli siloonge silamu syoosi esiri hu syaalo.”

Olwohuba abaandu baloongwa mu fwaani ya Nasaae, mani oyo yeesi owiita omuundu, yesi achia ohwiitwaangwa neende omuundu wuundi.

Nasaae yaberesa Nowa neende abaana bae ehabi n'aboola ati, “Mwiibulane mwiingiye, mube abaangi hu syaalo.

Bulaanu munyala ohubilya, alala neende ebimera byohu syaalo; mbabereese ebiindu byoosi bibecheenge ebyohulya byeeng'we.

Buli sisolo syoosi esiri hu syaalo neende buli yoni libburuha lyoosi, neende buli biindu byambaaka hu loba byoosi, neende buli ng'eeni yomu maachi yoosi bichia ohuhutiichanga; haandi niiwe ochia ohubitukaanga.

Nae eng'we, mwiibulane mwiingiye, abeechuhulu beeng'we bamenye mu syaalo syoosi.”