Populære bibelvers fra Loma 6

Del

Ta o kapalit no raraten am mangay do makotokotod a lila no apoy a mangay no makwa. Am o yazaw na ni Ama ta do to so yamacibedbed ji Yeso Kizisto a Panirsirngen ta am ipanta na so to meyyonong a ikavyay no pahad da.

So ji na rana nalamozongi ninyo no raraten. Ta nyo na ipeyhanhan o pangangarilawan na ni Ama ta do to a makavonas so raraten nyo. So ji na monganai do apya icicirawat nyo.

Kamo jyamimin a makateneng do peypeypangayan no kataktak da jyaten. Ta ori rana am yongkad no kapacizanod no raraten ta a yakmey nimaciwakwak ji Yeso Kizisto. So icyakman ta sang a macizanod ji Kizisto a mirwa a mavyay. So ikanoyong ta na makahap so vayo rana icicirawat ta, akman si Yeso a nipirwa na avyain ni Ama ta do to no oyowyat na.

Ji nyo mamyapyan o peyvongvongwan nyo a peylamlamsoin no raraten. Ta itoro nyo o kataotao nyo ji Ama ta do to a mahap so vazay na. O torwan nyo no kataotao nyo ji Ama ta do to am ahapen nyo o apya vazay na. Ta iya o na yapwan no vayo a inawan ta.

Tamo na katenngan o adan ta onowned a yarana akmey nimacizanod ji Kizisto a nipadket do jyojika. So ikanoyong ta na a nikomaro rana do raraten ta. So ikabo na rana no oyowyat no raraten a tomalamozong nyaten.

Akman sang, ta naknakmen nyo o kapacizanod no adan a onowned nyo ji Kizisto a nimawakwak no raraten nyo. So ikanoyong nyo na a meypahagnat so onowned ji Ama ta do to, ta kamo rana macikaop ji Yeso Kizisto.

Manngwa, ji ta ngaroi o raraten ta a kato na ngarilawan nyaten ni Ama ta do to? Jyabo kakman ta sang a. Ta yatamo rana nikarwan o peyraratenan ta. Am manngwa, olin ta pa o peyraratenan taha?

No onotan nyo o ciring no tao am manoyong kamo a lamlamsoy da. Akman sang, ta no si onotan nyo o raraten am manoyong kamo a lamlamsoy no raraten a mangay do kararatan. Am no si onotan nyo si Ama ta do to am abneken na inyo a abo so raraten do tangain na.

Am ta isaray ji Ama ta do to. Ta no kakwa am akma ney lamlamsoy inyo no raraten. Am sicyaikwa rana ya am yasa rana o onowned nyo a yaomonot do manoyong a nanao. Am ori o ji na rana mapeylamlamsoi jinyo no raraten. So ikanoyong nyo na yamahap so apya vazay na ni Ama ta do to.