Populære bibelvers fra Loma 3

Del

Ta tanyo mamimin a yameyraraten a yaji makanet so nakenakem do tangain na ni Ama ta do to. So na nitovoyan si Yeso Kizisto a yasomidong jyaten a komaro do raraten ta do na karilaw nyaten. So ikanoyong ta na abo so raraten do tangain na ni Ama ta do to.

Si ipeyhanhan ta si Yeso Kizisto am abneken na rana yaten ni Ama ta do to a abo so raraten do tangain na. So ipeyyangangay na no nang a itoro na do meyhanhan nya tao.

Nitovoy na si Yeso Kizisto a mangay mawakwak no raraten ta. So ikanoyong no meyhanhan nya tao a mavonas rana so raraten. O ikakman na sang ni Ama ta do to am ipacita na o kaji na alasan a mapeykapyapinpin so tao. Ta o pangangasyan na am ori o ji na rana mapasingsingkaji do meyhanhan nya tao no kakwa. Am sicyaikwa rana ya am na nyahap ni Yeso Kizisto o raraten no tao. So ikanoyong da no meyhanhan nya tao a mavonas rana so raraten ji Ama ta do to a kabnek na sira a abo so raraten do tangain na. Ori na ikatey yapya no na ahahapan sya ni Ama ta do to.

Abo asa ka tao a mangozay do iwawalam na ni Moyse a manoyong a manci no kabo no raraten na do tangain na ni Ama ta do to. Ta o iwawalam na ni Moyse am kapanidong na so tao a makateneng do raraten da.

Akman so ipanci na do Seysyo. Ta maniring am, “Abwata o yasa ka tao abo so raraten. Abwata o yasa ka tao a yamakateneng ji Ama ta do to. Yabo o yasa ka tao a yamakza no na kararalay ni Ama ta do to. Yamamimin o tao a yamlikod ji Ama ta do to a yamangay do da peyraratenan. Yabo o yasa ka tao a apya so nakenakem.

O ikabo no raraten no tao do tangain ni Ama ta do to am meykasaha. Ori rana am ipeyhanhan si Yeso Kizisto. So ikabeken a kahap ta so iwawalam na ni Moyse.

Jyabo kakman na sang a. Tana todamimin o tao a mangalalas am jyabo kapangalalas na ni Ama ta do to a. Akman so ciring na do Seysyo. Ta maniring am, “No mehtaw o ciring mo am yamo pangononongan an. No kapacici da jimo am ji ka nikapatawan.”