Populære bibelvers fra Yowani 9

Del

Ahapen ta o vazay na no yanimapahanhan jyaken do ikavyay ta pa. Ta no si mawakwak ta rana am ji ta na makapeyvazay.

No keyyan ko pa do teyrahem eya am zezak nyo yaken a tao do karawan.”

Maniring sira o macinanao ji Yeso am, “Mo Mangnanao, nimeycicinda ya nimavota no kalyalikey na. Sino raraten a na kakman sang. Manngwa, kataotao na an? No inyapwan na.” Maniring si Yeso am, “Beken a raraten na. Beken a inyapwan na o na ikavota. Ta peymatamatan da jya no tao so vazay na ni Ama ta do to do yamavota a tao eya.

Maniring si Yeso am, “O peypeypangayan no yako nyai do teyrahem am ko mapeykapyapinpin so tao. Ko iwangan o mata da no yakmey mavota so pahad a tao a kapakacita da rana. O mapakateneteneng do nanao na ni Ama ta do to am meyvaliw rana sira akmey mavota, abo so katentenngan.”