Populære bibelvers fra Yowani 5

Del

To ko na macitangayan jinyo am omamizing so ciring ko a tao a omanoyong do yanitomovoy jyaken am mahap na o to meyyonong a ikavyay no pahad na. So ikanoyong na ji na meydednai no peyoyaoyyan na ni Ama ta do to. Ta nimaliklik na rana o apwa kawakwakan no pahad na.

Macita na ori ni Yeso a ji meyvangon am katenngan na o kownay na rana nimeyngen. Maniring jya am, “Kokay. Mo ikakza o kavonas rana no ingingnen mo an?”

O nyo ipeyvilang a Seysyo am nyo naknakmen o nyo kapakahap do dang so to meyyonong a ikavyay no pahad nyo. Am na malavat no Seysyo am yaken. Am yatey masalit o onowned nyo a yaji nganoyong jyaken a yamanta ninyo so to meyyonong a ikavyay no pahad nyo.

Maniring si Yeso jya am, “Tanek rana kahap mo na so atpil mo a omalam.” Makarahan am jya nimeyyahahay a mapya o tao ang, kahap na rana so atpil na omalam rana. No kanang am nimacinao do araraw no ipeywalam no tao.

Maniring pa jira si Yeso am, “To ko na macitangayan jinyo am no ko to mangozai o kataotao ko am abo mahap ko a vazay. Am ko na nimacita o vazay ni Ama. Am ori o ko to ngamooni sya peyvazain. O vazay ni Ama na am vazay no Anak na.