Populære bibelvers fra Nimlivolivon 20

Del

Am ori o inaran nyo jyaken an. So ipakowyat nyo a meyvazay an. Ta ori o ipakasidong nyo so ji makahakaw a tao. Manakem nyo o mina ciring na jyaten ni Yeso a Panirsirngen ta. Ta maniring si Yeso am, ‘Rakorako pa o sarasaray no onowned no mangazaw a kano azawen da tao.’ ”

Am ko jyalawan o inawan ko. Ta ko kakakzeb so kakavos na no vazay ko a na nitoro jyaken ni Yeso Kizisto a Panirsirngen ta. So peylimwangan ko no Mapasaray a Ciriciring na ni Ama ta do to a omagaz do pangangarilawan na.

So ipeypepzat nyo an. Ahapen nyo o nitoro na jinyo no Seyzi a marilaw no kadwan jinyo. Ta sira rana am nipalit na no rala no Anak na ni Ama ta do to a yarana macikaop jya.

“Sicyaikwaya am ko na to norwan inyo ji Ama ta do to. Ta ko ipeyhanhan o pangangarilawan na ni Ama ta do to a somidong jinyo a to ngotokot so nakem a meyhanhan nya. No si makman kamo sang am mahap nyo na o igeygeglaw na so omraralay nya tao.