Populære bibelvers fra Nimlivolivon 17

Del

O na ikakman sang am na kakzeben ni Ama ta do to o kapakateneng da jya no tao. So ta jyahawangi ji Ama ta do to.

Iya o nimangamamaog so asa ka tao a cinapodpodan da no yamavonong do peycyamahamahatawan na tao do teyrahem, a na kapamnek do awawan da no iyan da do karawan a kano yanan da pongso.

Iya rana am nimangamamaog so hanit a kano teyrahem a kano meycyamadadayan. So ikanoyong na Panirsirngen do sinokob no hanit. Iya rana am yaji meyvahay do niparing no tao a panaralayan.

Ta na nipamnekan o araraw na ni Ama ta do to a tomovoy so nipamnekan na a mapacici so tao do teyrahem. Ta iya rana am ji mapeycyakaban so tao. So na jyalasi no kanimawakwak na a kapirwa na sya avyain ni Ama ta do to.”

“No manoyong ta akma ney anak am ji ta naknakma o kapehngay ta si Ama ta do to do nipariparing no tao no apya so kolit a kano kayo a kano veysen a pehngehngain da ji Ama ta do to.