Populære bibelvers fra 1 Kedinto 2

Del

Akman so ciring do Seysyo. Ta maniring am, “O nakem na ni Ama ta do to a itoro na do amraralay nya tao am ji da pa nimacita no mata da. Ji da pa nimamizing no cicilwan da. Ji da pa nimanakem no tao.”

O kabwan no Seyzi na ni Ama ta do to am ji na hap o itoro no Seyzi na ni Ama ta do to. Ta o akman rana sang a tao am ji da tenngi o akman sang a vazay. Ta ipanci da abo so angangayan. Ta o yanan no Seyzi na ni Ama ta do to o makateneng jya.

Am na kasidong jyaten no Seyzi na ni Ama ta do to a ta ipakateneng jya. Ta katenngan no Seyzi o makakaday a vazay. Katenngan na o jyatenngi a vazay na ni Ama ta do to.

Tanyo jya nyahap o teneteneng da no tao do karawan. Ta o nitovoy na ni Ama ta do to a Seyzi am ori o ta nyahap. Ori o ta ipakateneng do makakaday a aryarilaw na jyaten ni Ama ta do to.

O nipeylimwang ko a ciriciring am beken a masalit a amizngen. So ko ji meyhanhani no ciring ko. Ta yako ipeyhanhan o Seyzi a omoyat jyaken a mapatwaw sya. So ikanoyong no nakenakem nyo ji Ama ta do to. Beken a monganay do teneteneng no tao. Ta monganay do oyowyat na ni Ama ta do to.