Populære bibelvers fra Genesis 49

Del

Ne Judah kwáh enhoienawaʼkónhake ne kanontiió꞉tshera aóʼnhia, Tánon ne tsi nienhathwatsi꞉rine tió꞉konte enhatikó꞉rake. Nonkwehshón꞉ʼahs ohwísta enhonwakariaʼkséhake tsi niwathwistaró꞉roks ne kanakerahserá꞉kon; kwáh tsi niió꞉re nonkwehshón꞉ʼa ráonha raonkweʼtaʼshón꞉ʼahs enhón꞉ton. Tánon teniontshaʼktón꞉sheke ne raohén꞉ton tsi nenhonwawennaráhkhwake.

“Ne Só꞉se kwáh ne ne ákta iorón꞉tote tsi nón꞉we niwathnekí꞉ne; Ne tsi roteʼnhahton꞉tonʼs iotahsontawenhrá꞉ton tsi naʼteiorénion. Ne ronʼennénhawe teionatenonhianíhton tsi niehonwatiaʼtóntieʼs; ronwaienkwiró꞉iaʼks tánon kwáh í꞉ken tsi teiotenonhianíhton ronwatonhnhoʼktahkwèn꞉ni.

Nek kiʼk shá꞉ka ne raoʼén꞉na iáh kiʼ thateiowèn꞉tonʼs, Tánon ronentshahnirá꞉ton, Ne ne rahtsaʼnà꞉ke nitiawé꞉non ne kwáh Thoʼshatstenhserowá꞉nen ne ne Jacob raoní꞉io í꞉ken, ne ne raohsèn꞉na ne shakó꞉nonhne, ne Tehshakóhnhes ne Israerʼró꞉nons. Ne Raoní꞉io ne iaʼníha, ráonha enhiaié꞉nawaʼse, Ne ne Rawenni꞉io Roʼshatstenhserowanenʼkó꞉wa ráonha enhiaiaʼtaté꞉rihste ne ne kaiaʼtateríhtshera nokennoréhsera ne karonhià꞉ke nèntewe, Tánon ne iohnoté꞉sonʼs kahnekonnion ne nà꞉kon nonhwentsà꞉ke, Ne ne kaiaʼtateríhtshera naionatiohkowáhnha ne tiohnhónskwaronʼs ó꞉ni neksaʼokón꞉ʼa.

“Judah, ne sewatateʼkoʼokón꞉ʼa teniesanonhwerá꞉ton. Entehsheniarotáhrhoke ne iesáhswenhs. Ne iaʼníha raonekenhteronʼtsheraʼshón꞉ʼa sahén꞉ton tenhontshá꞉ke. Judah tho nihshiaʼtó꞉ten tsi ní꞉ioht ne kèn꞉riks nithoión꞉ha; Shakoriohátie ne raʼorió꞉ta tánon raohshón꞉wakon nienhènhsre, Waʼthanòn꞉saien, ratiaʼtakwarihshiónkwas tsi ní꞉ioht ne kèn꞉riks, Tsi ní꞉ioht ne oʼnhéhtien kèn꞉riks—iáh ónhka thá꞉wehre ne takonwaʼnikonhrhá꞉ren.

“Reuben, í꞉se tisatierénhton sanakerá꞉ton, nakeʼshatsténhsera tánon ne tiohén꞉ton wakewiraientá꞉ʼon tsi rón꞉kwe naʼtiaʼtó꞉ten, satohetstén꞉ni ne tiotshèn꞉nateʼs ó꞉ni ne kaʼshatsténhsera. Kwáh iáh thaʼtehsató꞉tats tsi ni iáh teiorihwató꞉ken tsi ní꞉ioht nohné꞉ka, iáh kiʼ ní꞉se thahsonkweʼtowá꞉nenke tiorí꞉wa tsi skát꞉ne wetsà꞉rate ne ión꞉kwe ne thaʼteiakeniiáhse Tánon ne wahsónniaʼte ne iaʼníha raó꞉nakte naiohsennáksenʼne!