Populære bibelvers fra Genesis 12

Del

Ne enkónniaʼte tsi nienhsathwatsí꞉rine naesewatiohkowá꞉nenke, tánon kwáh enkoniaʼtaté꞉rihste tánon enkonhsennó꞉wanahte, ne katiʼ nahsheiatʼateríhsthake nakohrén꞉shon. Enkheiaʼtaté꞉rihste, nónhka eniesaiaʼtaté꞉rihste, ók enkhehré꞉wahte nónhka aiesahré꞉wahteʼ; tánon sonhá꞉ke non néntewe ne tsi iehwatsiraién꞉ton nonkwehshón꞉ha naiakoiaʼtaté꞉rihsteʼ tsi ionhwentsáte.”

Ó꞉nen ne ROIá꞉NER wahawénhase ne Abram, “É꞉ren í꞉seht tsi nón꞉we nisanakerahserá꞉ien, ó꞉ni ne sewatátenonhkwe, tánon ne tsi ronónhsote ne iaʼníha ne tsi tiohontsá꞉ien ienkonnaʼtón꞉hase.

Katíʼ ne Abram wahahtén꞉ti, kwáh kiʼ tsi nihohró꞉ri ne ROIá꞉NER; tánon Lot wahiatenró꞉shen. Ne Abram tsá꞉ta niwáhsen wísk shaʼtehaohseriʼiá꞉kon nó꞉nen sahanakerá꞉ko ne Haran nón꞉we.

Ethó꞉ne ne ROIá꞉NER wahototáhshien ne Abram tánon wahén꞉ron, “Tsi nienhsathwatsí꞉rine, né kí ne kanakeráhsera kheiawí꞉re.” Sók kíʼ thóh nón꞉we nahaónnien ne ietsenhahráhkwa ne ROIá꞉NER, ne ne rototahshién꞉ni.