Populære bibelvers fra Exodus 11

Del

Ethòne ne ROIá꞉NER wahawénhase ne Mahís, “Ènska khók shé꞉kon iesewáhteratsʼte ienskaʼténieʼte ne karewaʼtáʼtshera rahonhàke ne Egypt ronhnonhtí꞉io ó꞉ni ne rahonkwetashón꞉ʼa. Nenwató꞉hetste entsisewaʼríhon nahisewahiákenʼne. Kwáh kíʼ ó꞉ni, sewakwé꞉kon entsisewahiaʼtínekenʼwe ne kènʼen.

tánon kwáh tsi niháti ne thonaʼtierénton ronahnakeráhton ne rotiskenrakéte enhonhníheie, né꞉ne ronhnonhtí꞉io roiénha enthahénthe, tsi nikáien nensaʼtenonʼtí꞉iosthe, ó꞉ni ne kanhátshera roiénha tsi nikáien ne katʼthétha nonátsia, ó꞉ni nenhtewatiérenʼte enkonhtiʼwíraien ne tionnónskwarons kwáh nónhne enhonhníheʼie. Kwáh íken tsi iorahkaréni tsi tenhionsentʼthósehron atenahthakwékon ne Egypt nónhwe, tsi iáh nonwénhton ètho tetsawénhon iáh ó꞉ni nonhwénhton shé꞉kon ètho tahonsaʼiáwenhne.

Ne ROIá꞉NER rohroʼríhʼne ne Mahís, “Ne ronhnonhtí꞉io ienhathasónhteren nahaʼterahiáʼthaʼkwe nahiathahónsaʼthathe, né nahónton nakateriwaʼténtiaʼthe ne ioriwanerakwahʼténions ne Egypt nónwe.”