1
- उत्पत्ति 37:5
Bundeli Holy Bible
BHB
यूसुफ ने एक सपना हेरो, और अपने भईयों सें ऊकौ बृतांत बताओ; तब बे ऊसें और भी बैर रखन लगे।
Sammenlign
Udforsk - उत्पत्ति 37:5
2
- उत्पत्ति 37:3
इस्राएल अपने सब मोंड़ों सें ज्यादा यूसुफ सें प्रेम रखत हतो, कायसे ऊ ऊके बुढ़ापे कौ मोंड़ा हतो: और ऊने ऊके लाने रंगबिरंगो अंगरखा बनवाओ।
Udforsk - उत्पत्ति 37:3
3
- उत्पत्ति 37:4
परन्त जब ऊके भईयों ने तको कि हमाओ बाप हम सबरे भईयों सें ज्यादा ऊसें प्रीत रखत आय, तब बे ऊसें बैर रखन लगे और ऊके संगै ठीक सें बात भी नें करत हते।
Udforsk - उत्पत्ति 37:4
4
- उत्पत्ति 37:9
फिन ऊने एक और सपना हेरो, और अपने भईयों सें ऊकौ भी बरनन करो, “सुनो, मैंने एक और सपना हेरो आय, कि सूरज और चांद और ग्यारह तारे मोहों दंडवत कर रए आंय।”
Udforsk - उत्पत्ति 37:9
5
- उत्पत्ति 37:11
ऊके भईया तौ ऊसें जलत हते; परन्त ऊके बाप ने ऊके ऊ बचन हों याद रखो।
Udforsk - उत्पत्ति 37:11
6
- उत्पत्ति 37:6-7
ऊने उनसें कई, “जो सपना मैंने हेरो आय, ऊहों सुनो: हमोंरें खेत में पूला बांध रए आंय, और का हेरत आंव कि मोरो पूला उठकें सूदो ठांड़ो हो गओ; तब तुमाए पूलों ने मोरे पूले हों चारऊं कुदईं सें घेर लओ और ऊहों दंडवत करो।”
Udforsk - उत्पत्ति 37:6-7
7
- उत्पत्ति 37:20
ई लाने आओ, हम ऊहों मारकें कौनऊं गड़हे में डाल दें; और जौ कै दैहें, कि कोऊ जंगली पसु ऊहों खा गओ। फिन हम हेरहें कि ऊके सपनों कौ का फल हुईये।”
Udforsk - उत्पत्ति 37:20
8
- उत्पत्ति 37:28
तब मिद्यानी ब्योपारी उतै सें होकें उनके लिगां पोंचे। सो यूसुफ के भईयों ने ऊहों ऊ गड़हे में सें काड़ लओ, और इश्माएलिओं के हाथ बीस चांदी के टुकड़ों में बेंच दओ; और बे यूसुफ हों मिस्र लै गए।
Udforsk - उत्पत्ति 37:28
9
- उत्पत्ति 37:19
बे आपस में कैन लगे, “हेरो, ऊ सपना हेरबेवारो आ रओ आय।
Udforsk - उत्पत्ति 37:19
10
- उत्पत्ति 37:18
जैसई उनोंरन ने ऊहों दूर सें आत हेरो, तौ ऊके लिगां आबे के पैलईं ऊहों मार डालबे की सोची।
Udforsk - उत्पत्ति 37:18
11
- उत्पत्ति 37:22
फिन रूबेन ने उनसें कई, “खून नें बहाओ, ऊहों जंगल के ई गड़हे में डाल देओ, और ऊपै हाथ नें उठाओ।” ऊ ऊहों उनके हाथ सें बचाकें बाप के लिगां पोंचाबो चाहत हतो।
Udforsk - उत्पत्ति 37:22