Populære bibelvers fra Tin teig trub 37

Del

maaib Rung yo-sepq Beij pwatg, yaag kxvq ninb Eei Beij pun ninb Eei kxj Bua mwavj. ninb Bua zyrug kaub fatq Rxv ninb a'q.

i-saa-laa-en Namq yo-sepq kaub Zamq Jiaj ninb Eei yetg zuvq txn, weig zu'g ninb koj a'q, Zivj tu'q yo-sepq taaib. ninb lunb teij lwib Daauq, lwib mweid yaag Daauq, pun yo-sepq.

yo-sepq Eei kxj Bua pwatg ninb Bua Eei tia Namq yo-sepq kaub Zamq Namq ninb Bua, ninb Bua zyrug Rxv yo-sepq. Zauj ninb kxvq waag yaag maiq maaib waag lovj a'q.

Ga'haaq yo-sepq cvj Beij pwatg Rung yaag kxvq pun ninb Eei kxj Bua mwavj. ninb kxvq, “yia cvj Beij pwatg. naaiq Rung yia pwatg Ba'Nxi Zauj Laaj Zauj zyepg yetq nxm Leij yetg zuvq paaij yia.”

yo-sepq Eei kxj Bua kevb mweig Jia'q ninb, mq paag ninb Eei tia haiq zang yaag Javj Jyenq naaiq teij Jaub lrug.

yo-sepq kxvq, “kxj Bua mwavj yia kxvq yia Eei Beij og. yia Beij pwatg Bua yem Deig sai Byaub zeiq. yia Eei Byaub zeiq kanb Jiad sin taaib ton Jyenq. kxj Bua Eei Byaub zeiq yaag Jiad taaib weib kxmj yia Eei Byaub zeiq paaij.”

Bua lomb Rxib mivb zx'q ninb taij kwavg a'q. taij tapq Jyenq uamb Kwrtg Gaai. Bua zyrug kxvq ka'naaiq vaatg mig a'q. Bua mavg kaaj ninb Eei Beij Dovg haaij livb?”

uaq teij zruj scvb eij Eei mi-Dyen myenb Jiaj Jauq Tauj uaq. yo-sepq Eei kxj Bua zyrug Zia yo-sepq Zwrtq Kwrtq taaib maaig pun naaiq teij i-saa-maa-en myenb, tu'q lua'g luvd Eaanb. uaq teij scvb eij myenb zyrug txb yo-sepq mivb i-yipq teib puv a'q.

laanb Buaj laanb, “uaq taub ka'naaib Beij Beij taaib a'q lo'b!

ninb Eei kxj Bua pwatg yo-sepq Zxg yem ko Eei. taaib maiq kcvb Tauj, ninb Bua zyrug lomb Rxib Zaavb laavb taaq za'eij taij.

lu-Ben cvj Buaj ninb Bua, “maiq tuvq pun yetg teij Ryaamq Zwrtq. zx'q ninb tapq naaiq teib puvb Waav Eei uamb Kwrtg Gaai tu'q a'q. mq paag maiq tuvq zruj haiq Euvg hxig ninb.” lu-Ben Navq naaiq nx kxvq weig xij Fruj yo-sepq Zwrtq ninb yrud Bua Eei puab Diaq cvj fuvj Rwrnj pun ninb Eei tia.