Populære bibelvers fra Actes 1

Del

Ama Circir Fam làá kpákatiń ni-pu kí tīī-ni mpɔn ŋubɔ. Míǹ boonee, ni làá lēē m-pu seera Jeerusaleem tiŋkin nì Juudee nì Samaarii timmun, kí tin sāā kutagbɔŋu nì kitiŋ kúntinyɔkɔ.»

Ní u kíí-bi yii: «M-Baa nín dū úǹ u-ba pɔŋŋu ki síiǹ iyunti nì iwiin iŋyee kaa sá ni-yati.

U nì bi nín nìn dáá bée, u nìn kpáafì-bi yii bí taa yīkì Jeerusaleem tiŋkin. U nìn bí-bi yii: «Ní kàl̄ kí cīití ti-Baa Unimbɔti nín nìn pōoǹ dipoondi diŋyee, dipoondi din bɔti m nìn sòon̄ nì nee. Kun puee nì nnyim ní Yoowaneesi nìn fùul̀ binib. Ama nimbee, nì iwiŋkaaŋkaa poonee, Unimbɔti làá fàl̀-ni nì Circir Fam.»

U nín kpíì ki fīkitèe, u nyántì u-ba ki dàkā u-boonnooliibi ŋfunyɔm tikpil áli ki tin sāā iwiin imuŋku ili kí dàkà yii u lafun bí dimaŋfalin. Ní bi-nimbil ká-u, ní u sòon̄ nì bi Unimbɔti Beel bɔti.

U lī míǹ ki dóòyee, u-kpambaliŋ bíi kpèé-uee, ní an yōoǹ-u ki cáa nín jɔ́ḿ yilpu, ní ditagbandi diba dɔ́miń ki līkiǹ u nì bi kansikin, ní baa ti wāĺ-u.

Bi dáá gbíntìi yú ki kpèé yilpu u nín cá puee, kpalaayee, bininjab bili dee bi-nimbiin ki pēē tiwampin, ní ki bí-bi yii: «Galiilee yab, ba pu ní ni yú ki kpèé kutaa pu míǹ? Yeesu un ni ká u yíkì ni-kansikin ki jɔ́ḿ yilpu nee, làá dāá fàtīí tí gítiń míǹ mbaantiim kii ni nín ká u jɔ́m̀ pu nee ní.»