Populære bibelvers fra ÀfaꞋa 17

Del

Tà li me ghɨ̀ ale, ngua nkɨà mbɨ̀Ꞌɨ̀ bɔɔ me kɨ avi, te ateko e ye avi mbɨ̀Ꞌɨ̀ bɔ̀ɔ mɔ̧̀ɔ̧̀tà nkɨ̀a la. A batè ngu anè, ka Mbɔ̧ɔ̧mà kà lem ngu a endɨ̌ abua wòt ko ane ya

Tà li mbɨ̀ ngɨ̀ mbâ̧ yemɔꞋ mbɔ̂ ndɔ̀Ꞌ nɨ atò ngɨ̀ tèwuute bòt àlaꞋ ègème àa ngɔ̀ŋ ŋaa la. Tà li me laꞋ nê yea ngɨ̀ àwɔb, ndzaŋe nɔ̀ŋè ngule èfɨ̀Ꞌ nè mèlɨ̀ èdziꞋi bɔ̀ɔ li me tseke la.

“Wu tòà tà lè ghɨ ngɔ̀ŋ nè àghɨ àgème àa a èbèm la, è mè ngu tòà tà bɔ ègwet nè sitsǎꞋ la. Tàà kà tseke a èbem mpɨ̀Ꞌnetsə bɔbȩ e ghɨ̀ la.

Aà ale nkàà nê, tà tsia àlia tàa li tsě ane wòt kǒ tà yɔꞋ la, esaꞋa ngɔ̀ŋ yaa ane ndɨ a kùꞋù la. Tà nyɨꞋte a waa waa nê ànəê yaa aa li tsè mbɨꞋɨ̀ ye kàꞋà la, nkàà nê tà ghɨ̂ ŋut pfə mè njù̧ù̧mê.”

“Ndɨ̀ wu bà wu bɔ̧ Mbɔ̧ɔ̧mà la, bàà kà mɨ̀ɨ̀tè laꞋ nê, bɔ̀ kɔ̧ɔ̧ atò mbɨ̀Ꞌɨ̀ wòt nàa ngɨ̀ tà nèètè nkɔ̧̀ kèbaa èti, kò wuê èfe silbà, kò wuê èfe goêl la leꞋ. Bɔ bakà kɔ̧ɔ̧ atò a èlɨ̀ wu wɔ̀bȩ̂ nàa nkɔ̧̀ɔ̧ èghɨ bi la.