Populære bibelvers fra МатӀай 8

Del

– Квез вучиз икьван кичӀе я, иманда зайифбур? – лагьана абуруз Исади. Ам къарагъна, гарузни вириз «Кис хьухь» лагьана эмир гана, вирин кьуд пата лал кьена.

– Я Агъа! – лагьана аскеррин кьиле авайда. – Вун зи кӀвачел зи кӀвализ атуниз зун лайих туш. ЯтӀани, зи вач-хъша сагъ хъийидай са гаф лагь.

И гафарин ван хьайи Иса мягьтел хьана, Ада Вичихъ галаз къвезвай инсанриз лагьана: – За квез рикӀивай лугьузва: Исраилдани заз икьван Захъ иман ийизвай са касни акунач.

Исади аскеррин кьиле авайдаз лагьана: – Алад, вуна Захъ икьван иман ийизватӀа, ви рикӀе авай гьар са кар За кьилиз акъудда. Адан вач-хъша гьасятда сагъ хъхьана.

Тилмизар мягьтел хьана: – И Вичиз гарарни вир муьтӀуьгъарзавайди вуж хьуй? – лагьана абуру.