Populære bibelvers fra МатӀай 21

Del

Дуьа ийидайла, рикӀе иман аваз вуч тӀалабайтӀа, гьам кьилиз акъатда.

– За квез рикӀивай лугьузва, – жаваб гана Исади, – иман ийидайла квехъ шак тахьайтӀа, куьне инжилдин тарни кьурурда, гьатта и пелез куьне «Къарагъ, жува жув гьуьлуьз вегь» лагьайтӀа, и карни кьилиз акъатда.

Исадин вилик квайбуруни кьулухъ галайбуру гьарай къачуна лугьузвай: – Давуд пачагьдин Хциз шукур хьурай! Реббидин ТӀварцӀелай Къвезвайдаз шукур хьурай! Цавариз шукур хьурай!

– Каламда кхьенва: «Зи кӀвализ дуьаяр ийидай кӀвал лугьуда». Куьне ам къучийрин макандиз элкъуьрзава, – лагьана Ада.

«Сигьандин рушаз – Ярусалимдиз лагь: килиг, къвезва куь умун Пачагь шаркӀунтӀдал алаз, диши супадал алаз».

Исади лагьана: – Каламдай куьне ихьтин гафар кӀелначни бес: «УстӀарри кваз такьуна гадарай къванцикай хандакӀдин пипӀе твадай кьилин къван хьана. Им Аллагьди гайивал я. Бес им аламат тушни кьван чаз аквазвайди».

ГьакӀ хьайила За квез лугьузва хьи, квевай Аллагьдин Пачагьлугъ къахчуда, а Пачагьлугъ чувудар туширбурув вугуда, чувудар туширбуруни чпин майваяр вахтунда Аллагьдив вахгуда.