Populære bibelvers fra Хьунухь 24

Del

Ибрагьиман лукӀра лагьана: «Ребби, зи агъа Ибрагьиман Аллагь! Къе зи кар туькӀуьрдайвал ая, зи агъадиз жуван регьим ая!

За абурукай садаз лугьуда: „Заз ви кварцяй яд хъвадай ихтияр це“. Ада: „Хъухъ, за гьакӀ ви девейризни яд гуда“, – лагьайтӀа, им вуна ви лукӀ тир Исакьаз ам пабвиле хкянава лагьай чӀал я. Им Вуна зи агъадиз регьим авунин лишан хьуй».

Исакьа Рефикъа вичин диде Саррадин алачухдик тухвана, ва Рефикъадикай адан паб хьана, адаз ам кӀан хьана ва кьенвай дидедихъ ада чӀугвазвай гъам секин хьана.

абуру Рефикъадиз ихьтин гафаралди хийир-дуьа авуна: «Ви несилрин кьадар, чан вах, агъзурар хьурай, цӀуд агъзурар! Ви несилрин вилик ярх хьурай душмандин варар!»

Ибрагьима вичин чӀехи лукӀраз – вичин кӀвал ва майишат идара ийизвайдаз – лагьана: «Зи хциз пабвиле чкадин руш, къенанви къачудач, зи уьлкведиз, зи багърийрин кьилив фена ва гьанай Исакьаз паб хкида лагьана, зи ятурдик гъил хкӀурна, Реббидалди, цаварин Аллагьдалди ва чилерин Аллагьдалди, кьин яхъ».