Populære bibelvers fra Genesis 13

Del

Ihatag ko sa imo kag sa imo mga kaliwat ang tanan nga mga duta nga malambot sang imo panulok, kag ini mangin-imo sa wala sing katubtoban.

Sang nakahalin na si Lot, ang GINOO nagsiling kay Abram, “Halin sa imo ginatindugan lantawa sing maayo ang imo palibot.

Hatagan ko ikaw sing madamo nga mga kaliwat, nga wala sing may makaisip sa ila tanan, subong nga wala sing may makaisip sang yab-ok sa duta.

Gani si Abram nagsiling kay Lot, “Hinablos ko ikaw, kag indi dapat nga mag-ilinaway ang aton mga tinawo.

Gani ginhalin ni Abram ang iya mga tolda kag nag-estar sia malapit sa balaan nga mga kahoy ni Mamre sa Hebron, kag didto naghimo sia sing altar para sa GINOO.

Si Lot nagpanghulonghulong kag nakita niya ang Kapatagan sang Jordan tubtob sa Zoar may bugana nga tubig kasubong sang Katamnan sang GINOO, ukon kasubong sang duta sang Ehipto. Ini sang wala pa malaglag sang GINOO ang mga siudad sang Sodoma kag Gomorra.