Populære bibelvers fra Sawmus 37

Del

Bateknaba giwntakwa Kiyavwiye Uhokri! Ignewatbaki pibetki. Nikwe ig ikinek pit madikte ku pariye pimawkan.

Ikinaba pihiyekemni git Kiyavwiye Uhokri Dehetniye adahan igwa hiyak pikak. Kamaxwanaba givitit. Nikwe igme huwitanek pihiyekemni avigkut ahin wadit.

Hiyawa pis mayaksa pihiyekemni git Kiyavwiye Uhokri. Wahapnig akak madikte kiyaknihwaki adahan ig wadithebdih pihawkan. Ku pis hiyap pahavwi taraksevye madikte wew kabayntiwa gidahan, ka muwaka kiyimwihwa gikak. Ku pis hiyap pahavwi ig kehne madikte mbayka ku pariye ig kehkere, kawnata muwaka kiyimwihwa gikak.

Pisme, kamaxwanaba givitit Kiyavwiye Uhokri Dehetniye kabayntiwa. Kehnaba kabayka avanenekwa. Mmanawa ku wis keh hene, wis misakwa kabayntiwa ay amadga inin, wis ax kabayntiwa yuma kiyimwiki abet uhiyekemni.

Igme Kiyavwiye Uhokri Dehetniye avuriw ku pariye kibeyne hiyeg. Ig akka git adahan ku samah ig keh. Ayteke nikwe ig keh ini gikehni humaw kabayntiwa. Ini ku samah igi hiyeg keh avigkutavrik ku samah ig Kiyavwiye Uhokri gimawkan, in keh ig Kiyavwiye Uhokri bateke ginaktin. Hiyawa ig tuguhe, heneme ka sam. Kuwewa ig kannikawnek akiw. Mmanawa ig Kiyavwiye Uhokri sumuhnig giwaku. Ig ahegbet adahan gayavetni.

Nerasme taraksavye gaytakkis kiyathaka ay amadga inin. Heneme aysawnemenek gikehnikis kahayaknek mbaykanenwa. Pisme avim ini hawkri pikehni kahayaknek kabaykanenwa. In kahayaknek huwewehe, kabutenne ke kamuwbe.

Ka muwaka dagawnaw. Uya mpiyasin. Ku pis kiyimwihwa nikak, in ka ayavap. In wageswanek mbayka adahan pihiyekemni.

Nah kuwis takweye minikwak; kurime nah kiyaparivye, heneme nah ka hiyapti Kiyavwiye Uhokri miniw giw pahavwi ku pariye kibeyne hiyeg, nah ka hiyapti igi hiyeg gikamkayuvwi makahpa gimanakis gitkis hiyeg.

Ka muwaka kiyimwihwa gikakkis hiyeg mbayavye. Ine ka muwaka atihpigkis.