Populære bibelvers fra Genesis 21

Del

Die Here het aan Sara gedink en Hy het vir haar gedoen wat Hy belowe het.

God het gehoor dat die seun huil. Die Engel van God het uit die hemel met Hagar gepraat en Hy het vir haar gevra: “Wat is fout, Hagar? Moenie bang wees nie, want God het gehoor dat die seun huil daar waar hy lê. Staan op en tel jou kind op. Help hom, want Ek sal hom 'n groot volk laat word.”

Sara het swanger geword en sy het vir Abraham 'n seun gekry toe hy al oud was. Sy het die seun gekry op die tyd wat God gesê het dit sal gebeur.

Sara het gesê: “Die mense sal nou lag oor wat God met my gedoen het. Almal wat van Isak hoor, sal vir my lag.

Maar God het vir Abraham gesê: “Moenie dink dit is verkeerd wat Sara gesê het oor jou seun en oor jou slavin nie. Luister na alles wat sy vir jou sê, want die nageslag van Isak sal jóú nageslag wees.

Maar Ek sal die seun van jou slavin ook 'n volk laat word, want hy is jou kind.”