Populære bibelvers fra Roma 16

Del

Lɛ Aya gi yɛ onu blɔ kusuyɔ ɔdɔklɔ ɛ, aakpɛ Satana ní mlɔ kukliseo tɔ mlaaŋa yɛ aʋa kpekpemi. Blɔ Ɔkaɛ Yesu Kristo yɛ lipomepɛpɛ nɛ lize ni mlo.

Mɛ benemi ba mɛɛgba mlɔ; tɔ mlevu aŋu ní banama gi bizɛɛmani kulɛlɛ ɛ, xe bizɛɛpisa banima kuziŋaa a, xe bizɛɛyɔ kedu ní kudɔbasɛ uliɔ gi kwibasɛ mlɔ su i. Mladzi kede ní ba su!

Lɛ ese linu si banɔ baklɔ gi bizɛɛbitɛ eboa la elu i, aní Kristo blɔ Ɔkaɛ beesumu, pɔ̀ batutɔ ba epò la beesumu u. Bizɛɛkɔ ba eboe panipani la ni kinemi gyigyi emeni banama gi béte liboeboe e.

Abla ɛ, mlaki tɔ kukɔ kukpɔ̀kpɔ̀ aki Aya! Aatani kukɔ si mlalɛɛ gagla ní mlɔ kuziŋaa mɛ, kɔkpɛ liboe gbã nɛ gi mapani aki mlɔ ní Yesu Kristo su i, kɔkpɛ eboe kpokpo la gi Aya ebu abasɛ ɛ, eboa la gi bɛkɔ ekpo lipoe gblamadza a, gi liza ɛ. Abla kɔ ɛ, anukwarɛɛ edo oŋwe no gani bidɔ mɛ gi beboedoplɛ ba bɛŋwlimi plɛ ɛ mɛ; lɛ gani batrɔtrɔ ʋa gi Aya a, gi oʋítse e, akpɛ ní mɛ ɛ. Aya ebu le abasɛ amade na petee, tɔ ɔnɔ kakaa aaziŋa tɔ aabitɛ ní lɛ aʋa a. Mlaki tɔ kukpɔ̀ Aya tolee, gi yɛ tètè ko ete liboe kakaa ɛ, mlakɔ kusudra aki yɛ gani Yesu Kristo aʋa kɔtsinɔ kanɔmɛ anɔmɛ! Atɔ liba lɛ mɛ.