Populære bibelvers fra Yohan 16

Del

Masi mlɔ eboa la ya tɔ mlamɔ kusuyɔ ní likpɔ kpɛkpɛ mɛ ni mɛ. Kelea mɛ kiaki si mlaamɔ kini. Pɔ̀ mlalɛɛ gaglaa! Maŋa kelea mɛ kinie aʋa!”

Xegi Ɔfuɛfuɛ dradra lɔ ɛɛba ɛ, gi yɛ izɛɛbasɛ anukwarɛɛ ɛ, aabu anukwarɛɛ basɛ ní Aya su, aagbani mlɔ tsini anukwarɛɛ mɛ. Ɔ́trapani ní yɛ ɔtutɔ yɛ kigagla mɛ ɛ, pɔ̀ aapani ní liboe lɛ gi enu su u, lɛ aasi mlɔ eboa la gi ɛtrába ɛ.

Gakɔna ni abla ɛ, mleʋíʋi kididɔ ní mɛ linyi ne me e, mleʋi tɔ mlaazɛ, atɔ mlɔ isami nɛ iana.

Pɔ̀ mɛɛsi mlɔ anukwarɛɛ si, lipɛ kimlɔ si misɛ̀, lɛ ese linu si xe másɛ ɛ, Ɔpɔnɔpɔnɔɛ ɔ́traba mlɔ klɔ ɔ. Pɔ̀ xe masɛ ɛ, kɔlɔ maatsisi yɛ mlɔ klɔ. Xegi aba ɛ, aabu basɛ banima ní kelea mɛ si, bɛta kese xe gi bɛpani si béte liboe ni eboe zimizi, kude gyɔgyɔ, nì Aya litsi xwaxwa nɛ su u.

Nite lilɛ ki mlɔ: abla ɛ, mlalɛ ní asigaga mɛ, pɔ̀ maamɔ mlɔ dzɛ ɛ, lɛ mlɔ ina nɛ iayi ni isami, isami i nɛ klɔ elu gi ɔnɔnɔ ɔ́tratani kuzɛ ní mlɔ awla ɛ. “Xe liwe lɛ klɔ lina ɛ, mlátraʋi me kididɔ tɔ ɔ. Mɛɛsi mlɔ anukwarɛɛ: Kaka Aya aaki mlɔ kidɔ kakaa gi mlaʋi ye ní mɛ linyi ne me e.

Mɛɛsi mlɔ anukwarɛɛ: mlɛtrabemi lɛ mlawa awowoe la, pɔ̀ kelea mɛ banima biamɔ isami; mlɔ kɔ ɛ, mlaaze ni asigaga mɛ, pɔ̀ mlɔ asigaga la aadzi isami i.