Populære bibelvers fra Čơdơ̆ng Phŭn 49

Del

Gai jra pơtao ƀu či đuaĭ mơ̆ng Yuđa ôh, Gai hnuăt kơ tơlơi wai lăng ƀu dŏ ataih ôh tơkai ñu, Tơl Silô truh hĭ laih; Laih anŭn abih bang ană plei pla či gưt asăp Pô anŭn.

Yôsep jing sa ƀĕ than kơyâo mơboh lu, Sa ƀĕ than kơyâo mơboh lu ƀơi hnoh krong; Than ñu či gom ƀơi pơnăng. Ƀing mơnuih djă hraŏ hmâo pơblah hăng ñu kơtang kơtĭt Pơnah ƀrŏm laih anŭn ngă sat kơ ñu

Samơ̆ yua mơ̆ng tơngan Pô Dưi Kơtang Yakôp, Hnŭn yơh hraŏ ñu ăt dŏ kơjăp hĭ, Yua mơ̆ng Pô Wai Triu, jing Boh Pơtâo kơ ƀing Israel, Hnŭn yơh păl tơngan ñu ăt dŏ kơtang. Ơi Adai kâo či djru ih; Pô Dưi Kơtang či brơi tơlơi mơyun hiam kơ ih, Jing tơlơi mơyun hiam trŭn mơ̆ng adai hăng ngŏ, Wơ̆t hăng tơlơi mơyun hiam mơ̆ng gah yŭ hlŭng dlam, Tơlơi mơyun hiam mơ̆ng tơsâo amĭ laih anŭn kian ană.

Ơ Yuđa! ƀing ayŏng adơi ih či adoh bơni kơ ih, Tơngan ih či djă tơkuai ƀing ayăt ih, Ƀing ană đah rơkơi kâo ih či bon kơkuh ƀơi anăp ih. Ơ Yuđa! Ih jing sa drơi rơmông dŭl tơdăm; Ơ ană, loa hmâo laih hlô mơnơ̆ng giơ̆ng anŭn ih wơ̆t glaĭ dơ̆ng. Ñu čon tơŭt, bon krăp kar hăng sa drơi rơmông dŭl tơno, Laih anŭn jing kar hăng rơmông dŭl ania. Hlơi khĭn pơčôih ñu?

Ơ Ruben! ană kơčoa kâo, Jing pran kơtang kâo, laih anŭn jing boh bơnga blŭng hlâo mơ̆ng tơlơi kơtang kâo; Ih hmâo anih yom kơdrưh laih anŭn tơlơi dưi hloh kơ abih bang. Ih jing kar hăng ia poh yă, hnŭn yơh ih ƀu hloh kơ hlơi hlơi pơkŏn ôh, Yua kơ ih hmâo đih laih ƀơi sưng kâo, Ngă brơi sưng kâo jing hĭ grĭ hơƀak!