Populære bibelvers fra Tơlơi Tơbiă 31

Del

“Anai nê, kâo iâu Bêsalel ană đah rơkơi Uri, tơčo Hur, mơ̆ng kơnŭng djuai Yuđa. Kâo hmâo brơi laih kơ ñu bă blai hăng Bơngăt Mơyang Ơi Adai, hăng tơlơi kơhnâo, tơlơi thâo hluh, tơlơi thâo mĭn, amăng mơneč bruă kơhnâo hiam kiăng pơčeh pơjing laih anŭn ngă bruă hăng mah, prăk, laih anŭn hăng kong, kơčar boh pơtâo yom, ngă bruă trah kơyâo, laih anŭn amăng mơneč bruă kơhnâo hiam.

“Brơi ih pơhiăp bĕ kơ ƀing ană plei pla Israel tui anai: ‘Brơi ƀing gih khŏm djă pioh hrơi saƀat Kâo yua kơ anai jing gru bơkơnăl tơ̆ng krah Kâo hăng ƀing gih amăng abih bang rơnŭk, kiăng kơ ƀing gih thâo Kâo jing Yêhôwa, Pô pơrơgoh ƀing gih.

Anŭn jing sa gru bơkơnăl hlŏng lar tơ̆ng krah Kâo hăng ƀing ană plei pla Israel, yua kơ Yêhôwa hmâo hrih adai laih anŭn lŏn tơnah amăng năm hrơi, găn hrơi tal tơjuh Ñu pơdơi abih bang bruă laih anŭn pơdơi.’”