“Brơi ih pơtă kơ ƀing ană plei pla Israel ba rai kơ ih ia boh ôliwơ phŭn djet mơ̆ng boh ôliwơ čuh apui kơđen laih anŭn djă pioh brơi apui anŭn jă nanao. Amăng Sang Khăn Pơƀŭt, gah rơngiao kơ khăn păng ƀơi anăp Hip Kơnol Pơgop, Arôn laih anŭn ƀing ană đah rơkơi ñu či wai lăng kiăng kơ apui anŭn jă nanao ƀơi anăp Yêhôwa mơ̆ng mlam truh kơ mơguah. Anai či jing tơlơi juăt hlŏng lar kơ ƀing ană tơčo Israel amăng abih bang rơnŭk.”