Populære bibelvers fra A̱kolosiyawa 2

A̱wot ma̱ninika, ma̱nang nyi wa ka̱n san Kristi Yesu a̱ yet A̱tyoli nyin wu a̱ni, ku yet ta hwa nyi ya a̱son ma̱ng khwi nggu hu a̱nia. Nyi yong mi̱ chet di̱ mun á̱pyia̱ nyin hu ndung ma̱ng a̱nggu, nang a̱kwon ka̱ byia̱ á̱ni̱nan ni̱ ngyong mi̱ chet a̱ni. A̱wot nyi nok swat nyin hu da̱ nggu. A̱nia wa nwuak fwuo nyin hu na mbeang chet da̱ a̱tsatsak a̱lyiat wu nang á̱ ku tyiet nyin a̱ni, a̱wot nyi yong mi̱ di̱ gwai A̱gwaza ba̱t kuzang jen.

Nyi ta̱bam ma̱ng á̱pyia̱ nyin, kalak a̱yin a̱ du laai nyin ma̱ng tyiet ku neet mi̱ mumwang swanta huni, ku yet a̱buk tyiet tazwa A̱gwaza a̱ni. Tyiet hu ku neet ma̱ a̱di̱dam ma̱ng taada a̱tyubishyi ma̱ng chet a̱yaata̱m tswá mi̱ swanta huni, ku nwai yet si̱ Kristi a̱ni.

Di̱n jen ji ji̱ swak a̱ni, nyin Nnwap na̱ nwai yet A̱yahudawa a̱ni, nyi ku li nang nkwom a̱ni ma̱ a̱ka̱tuk za̱kwa nyin wu, ma̱ng a̱ka̱tuk nyia̱ nyin wu, neet nang á̱ ka̱n faat á̱ si̱ tyat za̱kwa a̱ka̱tuk nyia̱ nyin ji á̱ ji̱p bah. A̱wot ma̱ninika, A̱gwaza si̱ ta̱ngam nyin ma̱ng swuan dundung ma̱ng Kristi, mat A̱gwaza chi a̱mgba̱m a̱ka̱tuk nyia̱ nzi̱t wu. Ku li á ngyei A̱gwaza si̱ lyang ta a̱ka̱tuk nyia̱ nang á̱ lyuut mami doká ji á̱ bat zi̱t a̱ni. A̱wot A̱gwaza si̱ kyiak ta̱ka̱da a̱ka̱tuk nyia̱ nzi̱t hu nang á̱ lyuut a̱ni, a̱ si̱ nkpang guu da̱ a̱team a̱khwu da̱nian nzi̱t.

Mat mi̱ Kristi wa ma̱nyin nggu nang á̱ ndi a̱jhyem za̱kwa A̱gwaza wu mi̱ vam a̱tyubishyi. Mat a̱nia, nang nyi mmun á̱pyia̱ ma̱ng Kristi a̱ni, nyin meang, nyi byia̱ a̱jhyem swuan ma̱ng a̱nggu. Nggu wa yet a̱kwak a̱son tazwa kuzang a̱gwam ma̱ng kuzang tyok.

Mat a̱nia, nyi yok ghwon a̱yin a̱ bat nyin a̱hyiak tazwa ntangka̱i nkyayak nang nyi ya ku nyi swuo a̱ni bah; ku tazwa song a̱yet á̱za̱za̱rak mam; ku song a̱yet yong nzwát; ku Mmam Fwung bah. Mat a̱mgba̱m ntangka̱i taada nani yet nghwughwu nkyang na̱ chobai wa a̱ni. A̱wot Kristi wa ma̱ a̱pyia̱ nggu nang taada jini yet kidee nggu ji.