Populære bibelvers fra Maarko 9

Del

Ẽdẽcĩ Yeesu ĩnõõnnõ anneek, “Inni nii ĩnnĩhaa nganĩĩt occa adĩmani ꞌgiimwa ho? Ammũjĩ hẽlẽggĩ vẽlẽk hĩ eet ꞌcĩ aꞌnyak lemiinit.”

Ma nĩngaata, utulu maaꞌnyĩ loholeeco nĩĩcĩ noho ĩĩ, “Haꞌnyahi naa lemiinit ꞌcĩ hidici haaga, ẽlaa nuun ꞌtoorĩka hĩĩ maka!”

Ma baa urutaa ꞌcĩ uduhutti Yeesu ꞌcieetõõ hĩ nuyyiook cĩgĩnnĩg, õõt aauto ẽmmẽn nẽ iita ijinit nuyyiooha cĩgĩnnĩg ĩnõõnnõ ĩĩcĩ burki ĩĩttĩk, “Inni hatĩ hanyamaneet ngagĩĩt ngaatĩ hiiggiayyia lori ꞌcĩ abathĩ hata?” Ẽdẽcĩ Yeesu ĩhõõggõ anneek, “Laiinit dioo ꞌcĩ occa iiggiayyu niig lori ꞌcĩ abathĩ hata.”

“Ĩĩn immilla ꞌgii ꞌcĩ abũnnaa, nẽẽthĩ, má iittiõõ hõllõngaa ammũccarĩĩ, occa hatĩ aaꞌnyiku niig hikia hũmmũccar tarĩ hutuno? Aꞌnyahit muhẽẽnĩt hõrggẽẽnaa cunuung hũbũna haau hĩ immilla nẽ aauttu lõꞌngõõc hĩ ꞌgoonogu.”

“Ẽẽtĩ ꞌcĩ ẽlẽmĩ loholeec ꞌcĩ hidici ꞌcĩ aaĩ hĩ ciee ꞌthaarĩĩ cĩgannĩg, ẽlẽmma nganĩĩta nẽ ẽẽtĩ ꞌcĩ ẽlẽmma nganĩĩta, hõllõngaa ẽlẽmma nganĩĩt diooni, ẽlẽmĩ eet baa ĩꞌthõõannaa nganĩĩt buúk.”

Haduhaakuung naa ngagiit thõõth dĩdĩ, má aaꞌnyuung ẽẽtĩ umwaa maam ꞌcĩg ahuddu ꞌthaarĩĩ cĩgannĩg, hĩnĩngĩtĩ iiginnu niig cĩg Krĩstõ, ammũda hatĩ eet tĩho ꞌbaaninit cĩnnĩ.”

“Nẽ má aaꞌnyĩk ẽẽtĩ umwaa loholeec hõrggẽẽnaa cĩ lõhõlĩ iccig ẽlẽmma nganĩĩt ko hĩdĩman ꞌthẽccan, occa abũnnaa ngaatĩ hẽcẽbẽẽkĩ bẽẽ cobbi iꞌnyiaawaa cĩ eet tĩho nẽ hudhukteek bũlũcatõõ.

Má eterꞌtheeki nganiit hẽbẽrẽẽcĩ cunni dĩman ꞌthẽccan, ꞌtõkõcaak tuu, hĩnĩngĩtĩ mẽẽn ngaatĩ adukni habuccieet cĩ Nyekuci hatĩ aꞌnyahi hebereec hõdẽẽthõng hĩllõõan ngaatĩ aꞌnyahĩ hẽbẽrĩ ꞌramma nẽ udhuhoothihuu ꞌgwoyyiaa ꞌcĩ aalla ooo