Populære bibelvers fra ꞌLuuka 4

Del

“Aaꞌnyĩhoothĩhaa nganĩĩt Lorii cĩ Makayyiookto, hĩnĩngĩtĩ ẽbẽraawa nẽẽ nganĩĩt hillimaneek eet ꞌcĩg ĩĩn hullaha, nyeemuut cĩnnĩ ꞌcĩ abũnnaa. Ĩꞌthõõannaa nẽẽ hikia huduhaak baabuuthnya nyeemuut ꞌcĩ ooggianĩ nẽẽgĩ, hĩ nyeemuut cĩ acĩnẽẽnĩ rubenniaaha, nẽ hikia hẽẽla eet ꞌcĩg arratan ꞌgoonoggia, nẽ huduhaaha eet hĩĩnnĩha, ikia irkit ꞌcĩ hatĩ ẽtẽrꞌthaanĩ Makayyioohiti bũnnai cĩnnĩ.”

Ẽdẽcĩ hinnia Yeesu anneek, “Eheeddi ꞌBuuhaa cĩ Nyekuci aĩ, ‘Dĩhĩth Nyekuc Makayyioohit cunni nẽ idticanoothihuu ĩnõõnnõ diooni.’ ”

Ẽdẽcĩ Yeesu ĩnõõnnõ anneek, “Aitiõõ! Eheeddi ꞌBuuhaa cĩ Nyekuci aĩ, ‘Aitiõõ ẽẽtĩ hõllõngaa arũgĩ, hĩnĩngĩtĩ ꞌgẽẽn dioo.’ ”

Ma baa õbõda Yeesu ĩĩcĩ hidioo cĩ ꞌJõrdanĩ, baa aaĩ Lorii ꞌcĩ Ẽllẽẽmĩth hĩ ĩnõõnnõ, nĩngĩtĩ õkõõĩ Lorii ꞌcĩ Ẽllẽẽmĩth ko ĩnõõnnõ ĩĩcĩ horu ꞌcĩ õdõhõhĩĩ kak.

Ẽdẽcĩ Yeesu ĩnõõnnõ anneek, “Aĩ ꞌBuuhi cĩ Nyekuci, ‘Ma hattĩmani Makayyioohit Nyekuc cunni.’ ”

Ma baa ẽdẽcaak habuui cĩ loriẽẽt ꞌcĩg abathĩ ho ngaatĩ attĩmanĩ Yeesu ꞌgoolliohĩ vẽlẽk, ikia ũtũngeek ĩnõõnnõ hĩdĩhĩdĩĩc, ĩꞌthõng hũmmũda kõr ꞌcĩ occa hatĩ aku attĩmanĩ ĩnõõnnõ tarĩ.

Nĩngĩtĩ õkõõĩ habuui cĩ loriẽẽt ꞌcĩg abathĩ ĩnõõnnõ muuraa ꞌcĩ uuni kĩdak. Ma hĩdĩĩkoothong, eteretheek ĩnõõnnõ habuccieeꞌnya cĩg lootu vẽlẽk. Nĩngĩtĩ annẽẽkĩ habuui cĩ loriẽẽt ꞌcĩg abathĩ ho ĩnõõnnõ, “Haaꞌnyii hatĩ naa nganiit bulẽẽnĩt cĩ loonyin iccig hĩ makaaꞌthĩt cĩnĩĩng vẽlẽk, hĩnĩngĩtĩ baa aanytĩhoothĩhaa nganĩĩta, nẽ occa haaꞌnyihi eet ꞌcĩ haccamanaa naana. Haaꞌnyii hatĩ ĩhõõggõ vẽlẽk nganiita, hatĩ ĩdĩhĩthaa nganĩĩta.” Ẽdẽcĩ hinnia Yeesu anneek, “Eheeddi ꞌBuuhaa cĩ Nyekuci aĩ, ‘Dĩhĩth Nyekuc Makayyioohit cunni nẽ idticanoothihuu ĩnõõnnõ diooni.’ ”

Ma nĩngaata, ũũhĩ habuui cĩ loriẽẽt ꞌcĩg abathĩ ho ĩnõõnnõ ꞌJeruꞌthalẽma nẽ ũũk õtõdĩ ꞌCieeth cĩ Nyekuci lokora ngaatĩ ĩĩn ꞌthilo nẽ ũũk ĩttĩman ĩĩnnĩk, “Má ĩĩnĩ nii Ngeertĩ Nyekuci dĩdĩ, dhuhi da ngaati! Hĩnĩngĩtĩ eheeddi ꞌBuuhaa cĩ Nyekuci aĩ, “Aduhaak hatĩ Nyekuci aajĩlẽẽt cĩgĩnnĩg huꞌthuutti nganiit jurrung; nẽ alaamtaii athĩnĩĩ cĩggĩĩng, hátĩ hiittiõõ hõllõngaa aduulli bẽẽ ꞌthoo.” Ẽdẽcĩ Yeesu ĩnõõnnõ anneek, “Aĩ ꞌBuuhi cĩ Nyekuci, ‘Ma hattĩmani Makayyioohit Nyekuc cunni.’ ”