Populære bibelvers fra ꞌLuuka 13

Del

“Haduhaakuung dĩdĩ, ĩrrĩcatta gẽrrẽẽt ngaatĩ aduhunnu hattũũg ꞌcĩ lũdũcĩ, hĩnĩngĩtĩ mẽẽlĩg hatĩ eeta ꞌcĩg attĩman ngaatĩ adukni nẽ aꞌnyaman hatĩnĩ.

baa aaĩ ngaa umwaa ꞌcĩ ahuul lorii ꞌcĩ abathĩ irkiꞌnyia õmmõtõ hĩ turkiyyio. Baa aduuli ngaa tĩho harũt hanyaman ngaatĩ abĩllĩ ꞌcũl. Ma baa adtuuha Yeesu ĩnõõnnõ ho, ũtũvvũ hikia ĩĩcĩ oou nẽ ĩĩnnĩk, “Ngaa cieeni, ũbũnauu niina.”

Nĩngĩtĩ ahumi Yeesu ĩnõõnnõ hĩbĩl ꞌcũl hĩdĩĩkoothong nẽ iꞌthianaaĩ ĩdĩhĩth Nyekuc.

Nẽ dĩdĩ, aattĩg hatĩ eeta ꞌcĩg ꞌyioko adtuurna, ꞌcĩg hatĩ au uwwattĩ. Nẽ aattĩg ꞌcĩg ꞌyioko uwwattĩ ho, ꞌcĩg hatĩ au adtuurna.”

Ma ꞌthẽk ĩtĩnga baattĩ ꞌcieethu nẽ ũꞌnyũũg hattũũg, abillu hatĩ ꞌrõta battaala, ara aruku hattũũg nẽ ĩĩlallu iittu, ‘Makayyioohit, ꞌbuuhiheet baaĩ nuun hattũũg.’ “Ẽdẽcĩ hatĩ Makayyioohiti aĩ, ‘Aitiõõ naa hõllõngaa hagayyuunga.’

Huduhaahuung dĩdĩ, má hõllõngaa uunniku niig buúk ꞌgõõl cĩ ꞌthẽccanẽẽt cugguung, adaaknu hatĩ niig buúk hĩ nẽẽgĩ.”

“Nẽẽthĩ, ẽdẽcĩ hinnia hatĩ nẽẽ aĩ, ‘Hõlõ, hõllõngaa hagayyuung naa ngagiit hĩ looc ꞌcĩ auunnu. Ammanyattĩ muumaa caannĩ, niig eeta baag gõõng adĩmannu ꞌthẽccanẽẽt ko!’

Nĩngĩtĩ ajini Yeesu eet annẽẽkĩ, “Aaĩ habuccieet cĩ Nyekuci hĩ nii? Ĩcca occa hĩthakꞌtheehi ne? Aaĩ habuccieet cĩ hẽẽtkujjieen hĩ hinyomooc ꞌcĩ dĩppĩlĩ ꞌcĩ atiboolan ẽẽtĩ manatõõ nẽ ĩtĩlĩtha hĩĩ hẽẽt ꞌcĩ maka nẽ iita õlõmattĩ hĩbaallĩ taba cĩgĩnnĩg.”