Populære bibelvers fra Yõaannẽ 14

Del

Haaꞌnyuung naa ngagiit ganõn, nganĩĩt dioo ꞌcĩ occa haaꞌnyuung ganõn icci. Aitiõõ ganõnĩ ciee hõllõngaa aduhõõ hĩ ganõn ꞌcĩ occa aaꞌnyuung eeta cĩg looc nicci. Nẽẽthĩ, ma haaꞌnyiku ꞌthinneeti hupuppudit hode ma hiteelinnu.

Ẽdẽcĩ Yeesu ĩnõõnnõ anneek, “Hĩĩnĩ naa ꞌgõõl hĩ thõõth ꞌcĩ ĩĩn dĩdĩ hĩ rũgẽt. Aitiõõ ẽẽtĩ ꞌcĩ occa õkõ hĩ Baaba, hatĩ haitiõõ naa tõõ!

Baa aduhaak Yeesu nuyyiook cĩgĩnnĩg anneek, “Ma haaꞌnyiku ꞌthinneeti hupuppudit, elemit Nyekuc nẽ ẽlẽmtaangu nganĩĩt buúk.

Nẽẽthĩ, aku hatĩ Ellioohiti, Lorii ꞌcĩ Ẽllẽẽmĩth, ꞌcĩ hatĩ ĩꞌthõõa Baaba ꞌthaarĩĩ cĩgannĩg, hátĩ hikia hillimaneehuung thooꞌthiok vẽlẽk nẽ ummuhaahuung thooꞌthiok baag haduhaakuung naana.

Ẽẽtĩ ꞌcĩ aꞌthũũnnĩ tilooinit caannĩ, ĩnõõnnõ ꞌcĩ ammĩnannaa nganĩĩta. Nẽ ẽẽtĩ ꞌcĩ ammĩnannaa nganĩĩt ko, ammĩnan hatĩ Baaba buúk ĩnõõnnõ, hammĩnani hatĩ naa buúk eet tĩho nẽ heteretheeha ẽlẽ caannĩ ĩnõõnnõ.”

Nẽ haduhaahi hatĩ naa Baaba hĩꞌthõõahuung ngagiit Ellioohit, ꞌcĩ hatĩ gõõng arũmẽẽnnu hĩ ngagiit ooo. Eterꞌtheekuung hatĩ ngagiit Lorii ꞌcĩ Ẽllẽẽmĩth ko, thõõth ꞌcĩ ĩĩn dĩdĩ. Nẽ hõllõngaa ẽlẽmĩ eeta cĩg looc nicci ĩnõõnnõ, hĩnĩngĩtĩ hõllõngaa acĩn nẽẽg hode aga ĩnõõnnõ. Nẽẽthĩ, agayyu niig Lori ꞌcĩ Ẽllẽẽmĩth, hĩnĩngĩtĩ aalla hatĩ nẽẽ arũmeennu hĩ ngagiit ooo.

Ijittaangu nganĩĩta nẽ hatĩ hĩdĩmaneehuung naa thõõth ꞌcĩ adiimmu ho, hátĩ haaꞌnyĩk Ngeerĩnĩ Maaꞌnyĩ bulẽẽnĩt. Ijittaangu nganĩĩt ꞌgii vẽlẽk ꞌthaarĩĩ cĩgannĩg nẽ hatĩ hĩdĩmaneehuunga.”

Baa aduhaak Yeesu nuyyiook cĩgĩnnĩg anneek, “Má ammĩnannaangu niig nganĩĩta, aꞌthuunnu hatĩ thõõth ꞌcĩ haduhaakuung naana.

Mẽẽlĩg ꞌcieethi õlõõ cĩ Baaba nẽ hõkõ hatĩ hakũmaneekuung naa ngagiit nĩngĩtĩ au aattiyyu. Má baa hiittiõõ hõllõngaa ĩĩn dĩdĩ, occa ꞌyioko hõllõngaa haduhaakuung thõõth icci.

Nẽ má hũũk hũkũmaneeha nĩngĩtĩ cunuung ko, hõbõda hatĩ nẽ hikia huukuung hõõt hũrũmtĩ hõdẽĩ nẽ aauttu niig buúk ngaatĩ haayyi naana.

Ma ho, ẽdẽc Tomaaꞌthio ĩnõõnnõ ĩĩnnĩk, “Makayyioohit, erekeet ngagĩĩt nĩngĩtĩ ꞌcĩ hatĩ õkõõĩ nii ho, occa hagayya hatĩ naag ꞌgõõl tĩho hutuno?”