Populære bibelvers fra Màtáyò 18

Del

Àngyá ko, àrà ángùdhi móndɨ́ rì yà, ngalè na yà dhɨ ɨ̀ dré adrézó ru kɨmó áma rú sè dhɨ na dhɨ, ma kókpà túmä́ní àyɨ ɨ́be.»

Má adré kpà tàá àmɨ dré dhɨ: Móndɨ́ rì àmɨ kòfalé bvò dri dhɨ ɨ̀ kàdré ru yi, tà ángùdhi ɨ̀ dré adrélé zìle áma Atá bhù na dhɨ tí dhɨ dri dhɨ, akódhɨ nɨ tà nda nɨ ꞌo àyɨ dré.

Dɨ Yésu dré mvámvá àlo dhɨ nɨ azízó bhàle àyɨ kɨ kɨ́tó ꞌá gò, tàzoá dhɨ: «Má adré tà bàti ta àmɨ dré: Mɨ̀ kòladzá àmɨ kɨ togó atsázó ànzɨmvá ɨ tɨ́nɨ ko dhɨ, mɨ̀ kɨtswá tàdzí fɨ̀le Òpɨ̀ bhù àdhya na ko.

Dɨ dhya ángùdhi adrélépi áyɨ tà bha kìní mi ngóró mvámvá kònɨ̀dhɨ àdhya tɨ́nɨ dhɨ, nɨ adré dhya kàdrɨ̀ lavúlé Òpɨ̀ bhù àdhya na dhɨ ꞌɨ.

Kòdhɨ ɨ́be dhɨ, dhya ángùdhi adrélépi mvámvá kònɨ̀dhɨ tɨ́nɨ dhɨ nɨ kaꞌì dòle dóro áma rú sè dhɨ, adré áma tàndɨ nɨ kaꞌì kòdhya.»

Má adré tà bàti ta àmɨ dré: Tà ángùdhi mɨ̀ dré dra ꞌɨ̀le kònwa bvò dri dhɨ, à nɨ kókpà tà nda nɨ ꞌɨ bhù na. Tà ángùdhi mɨ̀ dré dra trɨ̀le bvò dri dhɨ, à nɨ kókpà tà nda nɨ trɨ bhù na.

Yésu gò tàá dhɨ: «Áma Atá bhù na dhɨ nɨ kókpà àmɨ àlo àlo títí dhɨ kɨ ꞌo kònɨ̀nɨ, mɨ̀ kàdré àmɨ kɨ adrúpi kɨ tàkonzɨ̀ tri togó wä́yi sè ko dhɨ.»

«Dɨ, dhya àlo kàdré ɨ́na ànzɨmvá adrébhá áma kaꞌì kònɨ kɨ àlo ꞌo dhèle tàkonzɨ̀ na dhɨ, dóro nɨ tá kɨ́rà kàdrɨ̀ ꞌɨ̀le akódhɨ nda kembé gò, akódhɨ nɨ bhèzo dràle yǐandre nɨ tä́lí na dhɨ.

Mɨ̀ kisù àmɨkya ngɨ́nɨ? Agó àlo kàdré kábilígyà ɨ́be nyadhɨ-nzi gò àyɨ kɨ àlo dré avɨ̀zo dhɨ, a nɨ ꞌòá ngɨ́nɨ? A nɨ zakó tsì kábilígyà nyadhɨ-su-drì-mudrí-drì-nzi-drì-su nda kɨ tayɨ́ kòngó drìna gò, lɨ̀zo akódhɨ avɨ̀lepi nda nɨ ndabe.