Populære bibelvers fra Avalumi 12

Del

Mulemwa ukwiga imigendele ja mung'i iyi, pesi ulwa mupitukage mugati mwenyu ukwa amahosa genyu. Ipo pepene pe muhwana ukwinatila uwende wa Nguluvi, ulo lwelulagila wunofu, ulukumunogela na ulukwilaniche.

Ino nguvagongola vanyalukolo vangu, mwitawulage uwunu wenyu kwa Nguluvi, yive nambika iya mbepali, nzelu na iyikumunogela. Iyo ye ng'asi iyanachene ya ukumusunyalila.

Muhekelelage muluhuvi lwenyu: muvelage na uwusindile mulugudo na mwifunyage mbepali.

Ulidikila uwubi wukuleme, uwulemage uwubi ku wunofu.

Mwiyendage yinyenye kwa yinyenye nda vanyalukolo; yeyeavesaga mwa nyenye avelage na ichoga kulumuyagwe.

Uwende wenyu wuvelage wugaya wubuganisi uwewuvelaga. Mubihilage imbi mbesili, mwinatilage inofu mbesili.

Kwa lwe luhwana kwa ulubali lwenyu, muvelage na uwikalakunoga na avanu mbevali.

Vanyawende vangu, mulihomela umukole, pesi ulwa mumulekelage Nguluvi ulukani ulo; pakuva Uwandike Uwelu witigila, “Ukuhomela umukole ulo lwangu; nene ye nyomela umukole ilonga Umutwa.”

Muladedela mu wupifu, mumalavadikage munumbula mu mupigilage Umutwa.

Ukwimila uwuwuya weamelye Nguluvi nguvalongela nyenye mbemuli: mulidudumba ukuta mwina kinu ikilutye mwilutisa kwa lula uluvavaje luvelage. Amahosa genyu gavelage gakwilaniche ikigelo cha ulufuuwo lwe Nguluvi amugavye yeyeavesaga mumu.

Muliwona nda mwivanyaluhala ukulutila. Mulihombela umukole mu sa uwanangifu. Mwinatilage inofu kwa mbevali.

Muvelage na uwunofu wuwula kwa mbevali. Mulivahila uwuvina, pesi ulwa mwilevesage na mufidodo.

Nda wone, “Umutavangu vako peina nzala; mupelage ichakulya; na wone ave akelwike; mupelage anywe. Pakuva kwa ukupiga ulo pumuhongela inyoni hilo, uva nda umutwikite amakala ga umoto mu mutwe gwakwe.”

Muvasukilage uwufunyilile mbevali vevakuvatesa nyenye; ena, muvasukilage uwufunyilile mulemwa ukuvasukila ululeko. Muhekelelage pamwi na vala avihekelela muvembage na avivemba.

Muvatangage avelu va Nguluvi, mwipigila muwudeke.

Umuvili gwina mbali nzolofu, na ulubali lweluvesaga lwina kipigo chakwe. Lwindahihyo nambi hwehwe twiwolofu, twimuvili gumwi pamwi na Kilisito, na yeyeavesaga munu iva lubali lwa umuyagwe.