Populære bibelvers fra Uwugubulilwe wa Yohane 7

Del

Ndawe ndalavige, swe nguliwona ililugu ikomi lya avanu vesivahwaniti ukuvalilwa: avanu va ing'i mbesili, ing'olo, ulukolo na indongele. Nawo vamemile pa kigoda icha uwutwa cha umwanang'olo, viva vafwite imyenda imyelu na ukwibata amatagala ga imivale mumawoko gawo.

Vihugite amaswi vitigila, “Uwukombolwa wetu wihuma kwa Nguluvi vetu yeakong'ome pa kigoda icha uwutwa, na ukuhuma kulu Mwanang'olo!”

pakuva umwanang'olo ye ali pagatinagati pa kigoda cha uwutwa saava mukwamila ng'olo vawo, nave saavalongosa ku mifwilo ja ululenga ulunyawumi. Nave Nguluvi saavahesa inzihosi mbesili mumiho gawo.”

Nambi vali ipa pa kigoda cha uwutwa cha Nguluvi. Vakumupigilaga Nguluvi ikilo na kikimunyi mu Tembeli yakwe; nave yeakong'ome mukigoda cha uwutwa avakitila ilihema livasiike avalolele. Sisavadagana nambi kukeluka; lisuva nambi umungila gwalyo, sisalivavalila kangi

“Mulayananga ing'i, nambi ibahali, nambi imibiki, mbaka pala petuve tuvavikite indoni avakami va Nguluvi vetu mu wusu wawo.” Kangi ndawe ndapulikige imbalilo yawo iwo avikitwe indoni: Avanu mbilima ligana na machumi gatayi na vatayi va imbegalo isa Isilaeli.