Populære bibelvers fra 1 Petulo 2

Del

Neke nyenye mwilukolo uluhagule, uwutambisi wa uwutema, ulukolo ulwelu, avanu vakwe yumwene Nguluvi, sambi mudalike ifipigo fyakwe finyandolo fyeavakemelye uluhuma mulwisa swe akuvingisa mu lung'ali lwakwe ulukomi.

Yuyumwene asitegwe inzanangifu setu mumuvili gwakwe pala pa Musalaba, sambi tufwe ku nzanangifu, na ukunana ukwimila uwugolofu. Ukukola amavamba gakwe, nyenye yemuponite. Nyenye mwayagige ndawe ing'olo, neke lino yemumupiluche, umukwamila ng'olo na umulolesi va inumbula senyu.

Ulusika ulungi nyenye simwe mwivanu, neke lino mukave mwivanu vakwe Nguluvi ulusika ulungi kangi simwe mwivawonele ulusungu, neke lino yemulwanuche ulusungu ulo.

Ndawe lula lwe avana fyali vavidobokela ilisiva, nayinyenye ndahihyo luvavaje muwendage hilo ilisiva ilyanachene lya ikinyamuhe, sambi ukukola uludali lwalyo muvine na ukukombolwa.

Vanyawiyendi vangu nguvagongola nyenye wita avagayakwawo na avagenzi mung'i! Muwulekage uwudobokesi uwa isa umuvili isisutanaga na umuhe. Imigendele jenyu pa vamyanza givaje ukuva minofu hilo, sambi luve nambi pevavavakuvafila ukuta mwipiga imbi vahwane ukwimila ifipigo fyenyu ifinofu na palulo vamupele indolo Nguluvi ikimunyi pesaakusa.

Mumubitilage umwene mwiva ndawe amaganga amanyawumi musengelwe sambi muve kaye ya ikinyamuhe, umo mwemumupigila wita avatambisi avelu, ukutawulila inambika isa kinyamuhe isikumunogela Nguluvi ukukola kwa Yesu Kilisito.

Ino muwulekage uwanangifu mbewuli, uwudesi, uwulyalya, igila na ing'ani isa ukufililisa.

Lino, mumubitilage Umwene, ye liganga ilyumi lyevalibihye avanu; neke pa Nguluvi ye liganga ilihagule, iligusiwa amagobole molofu.

Mwikalage wita avanu avatemapawo; neke mulakola uwutemapenyu ukupiga uwanangifu, pesi mwikalage wita vakami va Nguluvi.

Pakuva Nguluvi ayiwenda mudogofyage ing'ani mbesili isa uwupuva isa ava avagaya luhala ukwimila ifipigo ifinofu fyemwipiga.