Populære bibelvers fra 出埃及記 6

Del

所以你去㧯 以色列 人講：『𠊎係上主；𠊎愛救你等，對 埃及 人給你等㧡个重擔中救你等出來。𠊎愛伸出大能个手重重責罰 埃及 人；𠊎愛拯救你等。

𠊎愛將你等看做𠊎个子民，𠊎也愛做你等个上帝。當你等對 埃及 人給你等个重擔中得到自由个時，你等就會知𠊎係上主，係你等个上帝。

𠊎識應許 亞伯拉罕 、 以撒 、 雅各 ，所以𠊎一定愛將你等帶到該地方，將該地方賜給你等做產業。𠊎就係上主。』」 摩西 將這兜話㧯 以色列 人講，總係佢等毋肯聽，因為艱苦个奴才生活已經使佢等灰心失志。

上主對 摩西 講：「你會黏時看到𠊎樣般對付 埃及 王。𠊎愛迫佢放𠊎个子民走。𠊎愛迫佢將佢等趕出佢个國家。」