Populære bibelvers fra MAAKI 6

Del

lala maa zugu Yisa ni u nyaandɔliba maa daa bu nya saha halli n‑di bundirigu. Dinŋɔna u daa yɛli ba, “Ya kyɛ ka ti bakki n‑yi n‑kyaŋŋi luginseelli sɔsɔ ŋɔn ka ni, m‑bɛ ti kɔkɔa, ka ya vuusi.”

Ka Yisa daa yɛli ba, “Anabi kam nyari gyirima luginseelli kam zaa ni, na'ala u mammaŋŋa tiŋŋa niriba, ni u dɔ'ariba, ni u yiri dima maa saani ka u bu nyara.”

Ka Yisa ŋɔn daa ti yi nyariŋŋu maa puuni na, u daa laa n‑nya daadam pam, ka u sufu daa zɔ ba namboo, dama ba daa ŋmani la peesi ban ka ŋɔn guri ba, ka u daa gbaai yɛttɔ'a n‑wulisiri ba yɛla pam.

Ka u daa bu nyaŋŋi n‑tum tunkara bɛni, di daa pa la u daa zaŋŋi u nuusi m‑pa baaridima beela zugri ni, ka ba daa nya alaafɛa. Ban daa bu niŋi Naawunni yɛdda seem la n daa gyɛri u pam. Ka Yisa daa gyili tinkpansi maa zaa n‑daa wulisiri niriba.

Ka Yisa daa zaŋŋi paanu anu ni zaasim ayi maa n‑gɔsi saazugu m‑puusi Naawunni, ka purigi paanudima maa, ni zaasim maa m‑paasi, ka yi zaŋŋi di n‑ti u nyaandɔliba maa ni ba tɔri n‑ti ba. Di saha maa ba zaa daa di n‑tigi, ka nyaandɔliba maa daa la'asi dikyɛba an kpalim la, ni zaasikyɛra la, m‑paali peeri piiya ni ayi.