Populære bibelvers fra MATIYU 24

Del

Ban za'asiri soori la nin ti maali n‑zoaai, ka di zugu niriba pam ku laa n‑wuri taaba suŋŋa. Amaa sɔ zaa ŋɔn nin kpaŋŋi u maŋŋa m‑bari n‑zaani halli nti paai yɛla wa tariga maa nin nya tiliginsim.

Ka ba nin ti mooli Arizana naam lahabasuŋŋu wa ka tinkam zaa niriba baŋŋi di yɛla suŋŋa, halli nti paai duniya wa lugri kam. Ba nin niŋi lala pɔi, ka bunseelikam naayi ti naai.

Ya nin wumni tɔppu damni, bee di lahabaya; ya gɔsima! - yan di kyɛ ka yam-ŋmaa gbaai ya, dama lala nin niŋi pɔi, amaa pa naari maa nla.

Tinsi dima nin yisigi n‑tuusi taaba tɔppu, ni nadima gba nin tuusi taaba. Kɔm nin ti lu, ka tingbaŋŋu maa nin damni kpa, ka nin damni kpa; anŋɔ zaa ti ya m‑bɛ ni hoo pɔ'a pudaana wɔlisigu piiligu beerim ŋɔn bɛ seem.

Saazugu ni tingbaŋŋu nin gaari, amaa man yɛttɔ'a wa ku gaari.”

Niriba pam nin zaŋŋi n yuuri n‑kyɛ na, ni, ‘Mani n nyɛ Masiiya maa!’ ka ba nin yɔmsi niriba pam m‑basi.

Di saha ba nin ti gbaasi ya ka zaŋŋi ya n‑niŋi seeba nuusi ni, ka ba namsi ya ka ku ya. Ban pa Yɛhudiya dima maa zaa nin yaai ya man yuuri zugu. Di saha maa ka niriba pam nin ti birisi ka labi nyaaŋŋa, ka seeba mun figsiri taaba ka yaai taaba. Ka ziri anabidima pam gba nin ti yi na ka yɔmsiri niriba pam.

Yisa daa labsi n‑yɛli ba, ni, “Ya baŋŋma suŋŋa ka di kyɛ ka sɔ yɔmsi ya.

Dinŋɔ zugu ya gba niŋma siri, dama sahanseaa yan bu teesiri u yɛla maa, lala saha ka Ninsaala Bii maa ti ya kyɛ na.”

Yan di gbisi yaa! dama ya bu mi sahaseaa ka ya Dugma maa ti ya n‑kyɛ na.

Ni, “Amaa di daari maa, bee di saha, ŋɔn ya m‑paai sahanseaa la ka sɔsɔ bu mi deede, halli malaakadima ban bɛ arizana ni la bu mi, Naawunni Bii maa gba bu mi, na'ala ti Ba maa kɔkɔ m mi.

Seeba nin ti doaai na m‑ma'ari ziri, ni, ban n nyɛ Masiiya, bee, ban n nyɛ anabidima; ba nin tum alahazibu tunkara ni ba ti yɔmsi niriba m‑basi, halli ni Naawunni ŋɔn yiisi seeba maa gba, amaa Naawunni ku sakki lala.

Hoo din daa kur niŋni seem Nuhu saha la, lala ka di ti ya n‑niŋi Ninsaala Bii gba kyɛnni na saha maa. Koom ŋɔn na bu kyɛ na n‑di ba sahanseaa la ka niriba daa diri ni ka nyuura, ka diri pɔ'aba ka zaŋŋni ba bipunsi n‑tiri dɔppa, halli nti paai Nuhu ŋɔn daa ti kpɛ nyarintitaari maa ni dahinseaa maa. Amaa ni dinŋɔ zaasa, ba daa bu mi din ya n‑niŋi, halli ka koom maa daa ti di ba zaa n‑kyaŋŋi. Tɔ: di nin ti nyɛ la lala Ninsaala Bii maa ŋɔn yɛ n‑ti kyɛ na sahanseaa la.