Populære bibelvers fra LUUKI 3

Del

Tɔ; amaa ban daa na bu gbaai Gyɔni sahanseaa la, ka ŋɔn daa na suuri daadam zaa Naawunni koom maa, ka Yisa gba daa su. Ban daa su Yisa koom n‑naai ka u daa puusiri Naawunni la, di saha ka saazugu sangbana daa yoaai ka Naawunni Sii Kasi daa yi na n‑sigi u saanni na: Sii maa mun daa ŋmani la hoo naŋmanni. Ka ba daa wum Naawunni kukɔri saazugu na ka yɛnni, ni, “M bii n nyɛ i, ka n wuri i pam; n nini n tigi i.”

Amaa Gyɔni daa tasi n‑yɛli ba zaa, ni, “Koom ka mani zaŋŋi n‑suuri ya wa, amaa sɔ kyɛnni na ŋɔn nin zaŋŋi Sii Kasi ni bugum n‑suuri ya. Ŋɔna n kpeem n‑gaari ma halli ka mani bu sum ni m pirigi u namna n‑ti u.

See ka ya tum tunseesi an wulisi, ni, ya pun takki ya halibeoo ni ya teesibeeri zaa, kaman tisuŋŋu ŋɔn wanni walisuma seem la. Yan di yɛtti taaba, ni ‘Ibrahim ya'ansi n nyɛ ti!’; ya bu baŋŋi, ni, Naawunni nin toaai n‑zaŋŋi halli kuga wa gba m‑maali ya'ansi n‑ti Ibrahim?

Pampaŋŋɔ ka Naawunni nin namsi tumbeeri dima hoo nira ŋɔn maali u leefu siri ni u ŋma tiseaa kan bu wanni suŋŋa seem. U nin ŋma ka n‑lusi, ka zaŋŋi ka n‑lɔsi bugum ni.”

Di zaa daa nyɛ hoo Anabi Aizaaya ŋɔn pun sɔbi u bukku maa puuni n‑yɛli seem la. U daa yɛnni, ni#:- “Ya wumma! Sɔ m bɛ yoo ni n‑tasira, Ni, ‘Ya maalim ti Dugma palli n‑ti u, Ya sɛ'asim u sɔya zaa ka a tuusi kyappi; Baa kam zaa nin ti nyɛri, Ka zɔya ni kunkuna zaa nin birigi n‑sigi; An gɔlim zaa nin teaai, Ka sɔgbiragbira la mun leebi bɔlibɔli; Ka ninsaala zaa nin ti nya M‑baŋŋi Naawunni ŋɔn nin tuligi u niriba seem la.’ ”