Populære bibelvers fra Romanee 8

Del

As ta fys ain dy vel dy chooilley nhee gobbraghey cooidjagh son y chooid share, dauesyn ta graihagh er Jee, dauesyn t’er nyn eam cordail rish e aigney.

Son ta slane shickyrys aym, nagh bee edyr baase, ny bioys, ny ainleyn, ny ard‐reilltee, ny pooaraghyn seihltagh, ny reddyn ta nish ayn, ny reddyn ta ry heet, Ny yrjid, ny diunid, ny cretoor erbee elley, abyl shinyn y scarrey veih graih Yee, t’ayns Creest Yeesey nyn Jiarn.

Ta’n Spyrryd hene myrgeddin niartaghey lesh ny annooinidyn ain: son cha vel fys ain cre ta shin dy ghuee er y hon myr lhisagh shin: agh ta’n Spyrryd cheddin jannoo accan er nyn son lesh osnaghyn nagh vod glare soilshaghey.

Cre jir mayd eisht rish ny reddyn shoh? my ta Jee lhien, quoi oddys ve nyn ’oï?

Cha vel er‐y‐fa shen deyrey erbee ny chour ocsyn t’ayns Creest Yeesey, nagh vel gimmeeaght lurg yn eill, agh lurg y Spyrryd.

Son ta yeearree yn eill, baase; agh yeearree yn Spyrryd, bea as shee

Agh ta shin er n’gheddyn ny smoo na’n varriaght ayns ooilley ny reddyn shoh, ny hrooidsyn hug graih dooin.

Son ta mee coontey, nagh vel seaghyn y vea shoh feeu dy ve er ny hoyllaghey gys y ghloyr vees er ny hoilshaghey dooinyn.

Quoi nee shinyn y scarrey veih graih Chreest? jean seaghyn, ny chennid, ny tranlaase, ny gortey, ny rooishtid, ny gaue, ny cliwe?

As ta fys echeysyn ta ronsaghey yn cree, cre ta aigney yn Spyrryd, er‐yn‐oyr dy veh eh jannoo accan ayns lieh ny nooghyn cordail rish aigney Yee.

Son whilleen as ta er ny leeideil liorish Spyrryd Yee, t’ad nyn mec dy Yee.

Son t’adsyn ta beaghey lurg yn eill, geiyrt da nheeghyn foalley; agh adsyn ta lurg y Spyrryd, er nheeghyn spyrrydoil.

Eshyn nagh ren e Vac hene y haghney, agh livrey eh eh seose er nyn son ooilley, kys nagh der eshyn dooin myrgeddin dy arryltagh mârishyn dy chooilley nhee?

Ta’n Spyrryd hene gymmyrkey feanish lesh y spyrryd ain, dy vel shin nyn gloan dy Yee. As my she cloan shin, eisht eiraghyn; eiraghyn dy Yee, as co‐eiraghyn marish Creest: my she shen dy vel shin surranse mârishyn, dy vod mayd myrgeddin ve cooidjagh er nyn ghloyraghey.

Er‐yn‐oyr dy vel yeearree ny foalley noidys rish Jee: son cha vel eh fo reill leigh Yee, chamoo dy jarroo oddys eh ve.

Son ta jerkal jeean yn chretoor farkiagh son y traa vees cloan Yee er ny hoilshaghey.

Son ta fys ain dy vel yn slane seihll geamagh magh, as myr ayns pianyn troailt cooidjagh derrey nish