Populære bibelvers fra Noo Mark 6

Del

As dooyrt eh roo, Tar‐jee shiuish er‐lheh gys boayl faasagh, as gow‐jee tammylt dy nyn aash: son va ymmodee cheet as goll, as cha row caa oc wheesh as dy ee.

Agh dooyrt Yeesey roo, Cha vel phadeyr fegooish ooashley, agh ayns e heer hene, as mastey e chynney hene, as ayns e hie hene.

As tra va Yeesey er jeet er thalloo honnick eh earroo mooar dy leih, as v’eh er ny veiyghey lesh chymmey orroo, er‐yn‐oyr dy row ad myr kirree fegooish bochilley: as ren eh toshiaght dy ynsaghey ad ayns ymmodee reddyn.

As cha dod eh mirril erbee y obbraghey ayns shen, cheu‐mooie jeh dy dug eh e laueyn er regyryn dy leih chingey, as dy ren eh ad y lheihys. As ghow eh yindys jeh’n vee‐chredjue oc. As hie eh mygeayrt ny baljyn‐cheerey oc gynsaghey.

As tra v’eh er ghoaill ny queig bwilleenyn as y daa eeast, yeeagh eh seose gys niau, as vannee eh, as vrish eh ny bwilleenyn, as hug eh ad da e ostyllyn dy hoiaghey rhymboo; as y daa eeast rheynn eh ny mast’ oc ooilley. As ren ad ooilley gee, as va’d er nyn n’yannoo magh. As hrog ad jeh’n fooilliagh as jeh ny eeastyn lane daa vaskad jeig.