Populære bibelvers fra Márãkõ 2

Del

Nĩngá sĩ, Yésũ ârî bê tã îjî gólĩyíkâ ꞌdĩ rî, drílâ ngãzó tã-drı̣̃ lôgõlé kĩ nĩ rî, “Ngá lãzé ãkó lé ꞌbá lôndãá ójó kô, cé ngá lãzé ꞌbá lôndã ójó nĩ ĩyî pãlé. Gõꞌdá má ânĩí kô tã mbı̣̂ ꞌbá pãlé, má ânĩ tã õnjí ꞌbá ậzı̣́lı̣́, tãlâ ópâ ró gólĩyî bê tã õnjí gólĩyíkâ ꞌásĩ.”

Gõꞌdá Yésũ ndrê tã rî ꞌdĩ ĩtí bê rî, drílâ nı̣̃zó lâ kĩ nĩ rî, ãgô ꞌdĩ ꞌbá yî rĩꞌá ĩyî tã lẽlẽ ạ́ngı̣́ bê mbârâkã íyíkâ õjílã pã kâ rî ꞌá. Ĩtí ró rî, Yésũ drí ngãzó tã âtálé ãgô pá lâ drí ôdrãlé trá ꞌdĩ drí kĩ nĩ rî, “Ámâ rû-lẽ-ãzíyã, áâyê nî trá tã õnjí áníkâ ꞌásĩ.”

Nĩngá sĩ, Yésũ âtâ tã ãzâ kpá trá gólĩyî drí kĩ nĩ rî, “Ôvârí ꞌbã ı̣̃tú rãtáã kâ ꞌdĩ âꞌdólé õjílã drí lôvózó ꞌá lâ. Gõꞌdá ꞌbãá õjílã kô lãꞌbí kậyı̣̂ rãtáã kâ lậnjı̣̃ lâ trõlé.

Nĩngá sĩ, gólĩyî âcâ bê ꞌbã rî ꞌdĩ ꞌá rî, gólĩyî îcá gõꞌdá kô ãgô pá lâ drí ôdrãlé trá kpạ̃rạ̃tı̣́ ꞌdĩ lôfílí Yésũ ngálâ jó ꞌálâ, tãlâ õjílã trá rĩꞌá ĩyî ngbạ̃ꞌũ rõô. Gõꞌdá nĩngá sĩ, õjílã gólĩyî ãgô pá lâ drí ôdrãlé trá ꞌdĩ ậnjı̣̃ ꞌbá ꞌdĩ ꞌbá yî drí ngãzó mbãlé ũpı̣̃ lõlé jó-drı̣̃ lésĩ gõzó gbãrãkã ãgô pá lâ drí ôdrãlé ꞌdĩ bê ꞌdĩ âꞌĩzó bãgó sĩ îrílí kôrô ũpı̣̃ rî ꞌdĩ ꞌásĩ jó ꞌálâ.

Ngbãângbânõ, má âꞌdô úlı̣́ âtáꞌá, tãlâ mĩ nı̣̃ ró bê kĩꞌá nĩ rî, mâ gólâ Ôvârí drí âjólé trá ûrú lésĩ rî rĩꞌá cú mbârâkã tã õnjí âyê kâ bê ãngó nõ ꞌá nõngá.” Nĩngá sĩ, Yésũ drí tã âtázó ãgô pá lâ drí ôdrãlé trá kpạ̃rạ̃tı̣́ rî drí kĩ nĩ rî, “Má ꞌbã tã ní drí kĩ nĩ rî, ní ngâ ûrû, ní trõ gbãrãkã áníkâ ꞌdĩ nĩzó ꞌbã ꞌálâ.”

Mâ ꞌdíyî pã ꞌbá Ôvârí ngá lésĩ rî ĩꞌdî cú mbârâkã bê õjílã âyézó tã õnjí gólĩyíkâ ꞌásĩ. Gõꞌdá má îcâ trá tã ꞌdî âtálé cú ĩtí lâŋõ ãkó. Tã ꞌẽ ꞌbá âꞌdálâ kĩꞌá nĩ rî, pạ̃tı̣́ı̣̃ má âꞌdô âꞌdóꞌá mbârâkã ꞌdî bê rî, rĩꞌá nõtí, má âꞌdô ãgô nõ pá lâ yî ꞌbãꞌá âꞌdólé tãndí ró.

Nĩngá sĩ, õjílã ꞌdî ꞌbá yî lı̣̃fı̣́ drı̣̃ lâ ꞌá ndrĩ ãgô ꞌdĩ drí ngãzó ꞌwãâ kôrô âdrélé ûrû, drílâ gbãrãkã íyíkâ ꞌdĩ trõzó gõzó ngãlé fõlé ĩꞌdí bê lâ ĩví ꞌálâ. Tã lârâkô ꞌdĩ tãsĩ rî, õjílã ꞌdî ꞌbá yî tı̣̂ lâ yî drí ậꞌdı̣́zó. Gõꞌdá nĩngá sĩ, drílĩyî ngãzó Ôvârí rî lûyı̣́lı̣́ kĩ nĩ rî, “Ị̃tú ãmâ tı̣̃zó rî sĩ rî, mã ndré drẽ tã ꞌdî rî kâtí rî drẽ kó kô. Mã nı̣̃ı̣́ kô kĩ, Ôvârí ãâfẽ mbârâkã trá ãmbá Yésũ drí.”