Populære bibelvers fra Maˬkuˆ 6

Del

Tsawˇ haˬ laˇ-eu maˬ tsehˆ leˇ-eu miˇ neh, Yeˬsuˇ hawˇ-eu aˬ yawꞈ-euˬ gʼaˬ kʼehˇ deuˬ hawˬ dzaˬ-eu maˬ dah-a. Kʼoeˇ miˇ neh, gʼaˬ kʼehˇ deuˬ-ahˇ Yeˬsuˇ ehˇ nehˬ-eu, “Aˬ dui maꞈ tehꞈ-ehˇ ciˬ cuˇ ni gʼeh-eu jawˇ duˬ-ahˇ iˇ-awˇ, gʼaˬ naˬ naˬ-iˇ kaˇ-euˇ.”

Yeˬsuˇ aˬ yawꞈ maꞈ-ahˇ ehˇ nehˬ-eu, “Miˬyehˇ gʼaˇ duˬ ngehˬ dah-eu tsawˇ haˬ-ahˇ yawˬ gaˇ na luꞈ aˬ cawˬ taˬ huiˬ nehˬ meh. Ehˇ kʼawꞈ, aˬ yawꞈ-euˬ jawˇ kʼahˬ, aˬ yawꞈ-euˬ aˬ yuiꞈ aˬ nyiˇ deuˬ hawˇ-eu, aˬ yawꞈ-euˬ nymˇ kʼahˬ zaˬ deuˬ aˬ yawꞈ-ahˇ maˬ taˬ huiˬ-a.”

Yeˬsuˇ lawˬ laꞈ nyiˇ doˆ le-awˇ, tsawˇ haˬ aˇ maꞈ maꞈ ma-ahˇ ya mawˇ ngeh, gʼawˬ shaˬ haw gaˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˇ bo-eu gʼaˬ maˬ jawˇ-eu yawˇ yawˇ maꞈ-ahˇ duˇ-eu meh. Kʼoeˇ ngeh, aˬ yawꞈ maꞈ-ahˇ gʼawˬ mya jeˬ mehˬ nehˬ tsoˆ nehˬ-euˬ meh.

Kʼoeˇ gaˇ, zahˬ leˇ paˬ-ehˇ gʼeh-eu jeˬ aˬ yawꞈ maˬ mˇ mehˬ nya-a. Naˇ-eu gawˇ-eu tawˇ haˬ heu myaˆ gʼaˬ kʼoeˇ taˆ aˬ laꞈ baꞈ daˆ nehˬ-awˇ bi taˬ leˇ-euˬ jeˬ jahˇ nehˬ nya-euˬ tehꞈ meh. Tsawˇ ha koeˇ deuˬ jah-eu nui ma maˬ ahˇ gaˇ aˬ yawꞈ zahˬ dui dui leˇ-euˬ meh. Kʼoeˇ naˇ, kʼoeˇ gaˇ jaˆ-eu pu deuˬ-ahˇ Yeˬsuˇ iˇ-awˇ mehˬ nehˬ tsoˆ nehˬ-euˬ meh.

Kʼoeˇ naˇ, kaˬ muˇ kʼoeˇ ngaˬ siˬ hawˇ-eu ngaˬ shaˬ kʼoeˇ nyiˬ mawˇ-ahˇ Yeˬsuˇ yuˇ-awˇ, mˬ paw gʼawˇ leuˇ-awˇ Miˬyehˇ-euˬ guiˬ lahˬ-ahˇ ja ceuˬ-euˬ meh. Aˬ yawꞈ kaˬ muˇ ngawˬ pyehˬ-awˇ, gʼaˬ kʼehˇ deuˬ-ahˇ biꞈ nehˬ-awˇ, tsawˇ haˬ aˇ maꞈ-ahˇ bi biˇ nehˬ-euˬ meh. Ngaˬ shaˬ kʼoeˇ nyiˬ mawˇ kʼawꞈ, tsawˇ haˬ dawˬ tawˆ luꞈ-ahˇ aˬ yawꞈ bi biˇ oꞈ nehˬ-euˬ meh. Tsawˇ haˬ yawˬ gʼaˬ na luꞈ tiˬ dehˆ ya dzaˬ-euˬ meh. Maˬ dzaˬ jiˇ coeˇ-ehˇ dzehˬ laˇ taˬ-euˬ kaˬ muˇ hawˇ-eu ngaˬ shaˬ kʼoeˇ deuˬ-ahˇ gʼaˬ kʼehˇ deuˬ gʼoˆ uiˬ ngeh, kʼaˆ puˬ tseˇ nyiꞈ puˬ byah laˇ-euˬ meh.