Populære bibelvers fra Maꞈtehˬ 2

Del

Aˬ yawꞈ maꞈ nymˇ laꞈ kʼoeˇ uˇ leˇ ngeh, zaˬ nahˬ hawˇ-eu aˬ ma Maˬliˇ-ahˇ ya mawˇ-awˇ, pawˬ tsuiꞈ pawˬ dmˬ dmˬ-awˇ uˬ duˬ tahˬ-euˬ meh. Aˬ yawꞈ maꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ, lawˇ baoˬ, muˇ laˬ, heu deuˬ yuˇ doˆ-awˇ, aˬ yawꞈ-ahˇ damˬ nehˬ-euˬ meh.

Sahˬ paˬ Heˬloˆ uˆ lahˇ luꞈ-eu aˇ yamˬ laꞈ kʼoeˇ, Yuˇdaˆ miˇ kʼahˬ Behˬlehˬhehˬ meuˬ-ahˇ Yeˬsuˇ dehꞈ le-euˬ meh. Kʼoeˇ ngeh, aˬ guiˇ gaˇ kawˆ siˬ nya-eu zaˬ siˬ tsawˇ gahˇ ahˇ-eu deuˬ, nahˇ ma doˆ kʼehˬ paw neh Yeˬluˇsaˬlehˬ meuˬ-ahˇ laˇ-euˬ meh. Aˬ yawꞈ maꞈ ehˇ-eu, “Dehꞈ le-euˬ Yuˇdaˆ tsawˇ haˬ-euˬ sahˬ paˬ kʼoeˇ gʼaˬ aˬ gaˇ jawˇ ta. Nahˇ ma doˆ kʼehˬ paw dzeˇ neh aˬ yawꞈ-euˬ aˬ guiˇ doˆ laˇ gaˇ nga maꞈ ya mawˇ-awˇ, aˬ yawꞈ-ahˇ uˬ duˬ tahˬ laˇ-euˬ ma.”

Aˬ guiˇ kʼoeˇ siˬ-ahˇ aˬ yawꞈ maꞈ ya mawˇ ngeh, laˬ kʼaˬ cehˇ dui dui-euˬ meh.

Aˬ yawꞈ maꞈ sahˬ paˬ Heˬloˆ jawˇ gaˇ maˬ ya gʼoꞈ-iˇ ni, yuꞈ maˆ maˆ-eu laꞈ kʼoeˇ Miˬyehˇ neh aˬ yawꞈ maꞈ-ahˇ ehˇ nehˬ-euˬ miˇ neh, yawˬ paw yawˬ gaˇ jaw jaw-awˇ aˬ yawꞈ maꞈ-euˬ miˇ kʼahˬ-ahˇ gʼoꞈ-iˇ-euˬ meh. Aˬ yawꞈ maꞈ gʼoꞈ-iˇ dzeuˇ ngeh, Yoˇsehˆ yuꞈ maˆ maˆ-eu laꞈ kʼoeˇ Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ doˆ le-awˇ, heu loꞈ-ehˇ ehˇ-eu meh. “Aˬ li zaˬ nahˬ heu gʼaˬ-ahˇ sehꞈ-eu lehˇ Heˬloˆ poˆ tehꞈ-a. Kʼoeˇ miˇ neh tuˇ-awˇ, aˬ nyaꞈ ma zaˬ-ahˇ sheuˬ-awˇ, Iˇjiˇtuˆ miˇ kʼahˬ-ahˇ cehˆ-awˬ. Ngaˇ nawˬ-ahˇ maˬ ngehˬ cawˬ le kʼoeˇ keuˆ ni, kʼoeˇ gaˇ jawˇ-awˬ.”